ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣ
ଭୁବନେଶ୍ୱର, ନଭେମ୍ବର ୨୪(ଓଡ଼ିଶା ଡ଼ଟ୍ କମ୍) ଓଡ଼ିଶା ଜମି ଜବରଦଖଲ ପ୍ରତିରୋଧ ଆଇନ ପୁରୁଣା ହୋଇଯାଇଥିବାରୁ ଏହି ଆଇନ ସଂଶୋଧନ କରାଯିବ ବୋଲି ବୋଲି ସରକାରଙ୍କ ପକ୍ଷରୁ କୁହାଯାଇଛି ।
ଏହାଦ୍ଵାରା ବାସ୍ତବ ଉଦେ୍ଧଶ୍ୟ ସାଧିତ ହୋଇପାରୁ ନାହିଁ ତେଣୁ ଏହାର ସଂଶୋଧନ କରାଯିବ ବୋଲି ରାଜସ୍ୱ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର କହିଛନ୍ତି ।
ଏହି ଆଇନର ଧାରା-୭ ଅନୁସାରେ ଗୃହହୀନ, ଭୂମିହୀନ ତଥା ୧୫ ହଜାର ଟଙ୍କାରୁ ବାର୍ଷିକ ଆୟ କମ୍ ଥିବା ପରିବାରକୁ ଘରଡ଼ିହ ଯୋଗାଇ ଦେବାରେ ବ୍ୟବସ୍ଥା ରହିଛି ।ଏହା ଦୀର୍ଘ ଦିନରୁ ପ୍ରଣୟନ କରାଯାଇଥିଲେ ହେଁ ତାହା ସଫଳତାର ସହିତ କାର୍ଯ୍ୟକାରୀ କରାଯାଇ ନାହିଁ ।
ଏହି ଆଇନ ଅନୁସାରେ ଗୋଟିଏ ଯୋଗ୍ୟ ପରିବାରକୁ ଚାରି ଡ଼ିସିମିଲ ବାସୋପଯୋଗୀ ଜମି ଦେବାର ବ୍ୟବସ୍ଥା ହୋଇଛି । ୨୦୦୫ରେ ମୁଖ୍ୟମନ୍ତ୍ରୀ “ବସୁନ୍ଧରା” ଯୋଜନା ଘୋଷଣା କରିବା ପରେ ସେହି ଘରଡ଼ିହ ପରିମିତ ଦଶ ଡ଼ିସିମିଲକୁ ବୃଦ୍ଧି କରାଯାଇଛି ।
ଏହି ଆଇନରେ ବ୍ୟାପକ ସଂଶୋଧନ କରିବା ପାଇଁ ଆଇନ ବିଭାଗ ସହ ଆଲୋଚନା ଚାଲିଛି ବୋଲି ସେ କହିଛନ୍ତି ।
ଓଡ଼ିଶା ଡ଼ଟ୍ କମ୍
