ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଡ଼ିସେମ୍ବର ୬(ଓଡ଼ିଶା ଡ଼ଟ୍ କମ୍) କେନ୍ଦ୍ର ସରକାର କ୍ରମାଗତ ଭାବେ ଓଡ଼ିଶାକୁ ଅବହେଳା କରୁଥିବା ତଥା ବିକାଶରେ ବାଧା ସୃଷ୍ଟି କରୁଥିବାରୁ ରାଜ୍ୟର ନ୍ୟାଯ୍ୟ ଦ।ବି ଓ ସ୍ୱାର୍ଥରକ୍ଷା ପାଇଁ ଛାତ୍ର ସମାଜ ସାମିଲ ହୋଇ ଏହି ସଂଗ୍ରାମକୁ ମହାସଂଗ୍ରାମରେ ପରିଣତ କରିବାକୁ ବିଜେଡ଼ି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ୱାନ ଦେଇଛନ୍ତି ।
କେନ୍ଦ୍ରୀୟ ଅବହେଳା ସଂପର୍କରେ ଛାତ୍ର ମାନଙ୍କୁ ସଚେତନ କରାଇବା ଉଦ୍ଦେଶ୍ୟରେ ରବିବାର ଭୁବନେଶ୍ୱର ଠାରେ ଆୟୋଜିତ ଛାତ୍ର ସଭାବେଶରେ ରାଜ୍ୟର ବିଭିନ୍ନ ସ୍ଥାନରୁ ଆସିଥିବା ହଜାର ହଜାର ଛାତ୍ର ପ୍ରତିନିଧି ମାନଙ୍କୁ ସମ୍ବୋଧନ କରି ସେ କହିଛନ୍ତି ।
ଓଡ଼ିଶାରେ ବିଭିନ୍ନ ପ୍ରକାର ମୂଲ୍ୟବାନ ଖଣିଜ ସଂପଦରୁ କେନ୍ଦ୍ର ସରକାର ବହୁ ଅର୍ଥ ପାଉଥିବା ବେଳେ ରାଜ୍ୟରୁ ଯେଉଁ ହାରରେ ରୟାଲିଟି ମିଳିବା କଥା ତାହା ମିଳୁ ନାହିଁ ଓ ପୂର୍ବଟତ ରେଳବାଇ ଓଡ଼ିଶାରୁ ବାର୍ଷିକ ପ୍ରାୟ ପାଞ୍ଚ ହଜାର କୋଟି ଟଙ୍କା ରାଜସ୍ୱ ପାଉଥିବା ବେଳେ ସେହି ତୁଳନାରେ ରାଜ୍ୟରେ ରେଳବାଇର ବିକାଶ କରାଯାଉ ନାହିଁ ବୋଲି ସେ କହିଥିଲେ ।
କେନ୍ଦ୍ରର ଅବହେଳା ବିରୋଧରେ ବିଜେଡ଼ିର ସଂଗ୍ରାମ ଜାରି ରହିଛି ଓ ଆଗାମୀ ଦିନରେ ପ୍ରତ୍ୟେକ କଲେଜରେ ଛାତ୍ର କର୍ମଶାଳା, ଦସ୍ତଖତ ଅଭିଯାନ ଏବଂ ସାଇକେଲ ଶୋଭାଯାତ୍ରା କରି ଅଭିଯାନକୁ ସଫଳ କରିବାକୁ ପ୍ରୟାସ ଚାଲିଛି , ସେ କହିଛନ୍ତି ।
ଏହି କର୍ମଶାଳରେ ଦଳର ବହୁ ବିଧାୟକ, ମନ୍ତ୍ରୀ ଓ କର୍ମୀମାନେ ଯୋଗ ଦେଇଥିଲେ ।
ଓଡ଼ିଶା ଡ଼ଟ୍ କମ୍
