ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କୋରାପୁଟ, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲା ନାରାୟଣପାଟଣାର ଏକ ସ୍ଥାନରେ ମଙ୍ଗଳବାର ମାଓବାଦୀଙ୍କ କ୍ଲେମର ମାଇନ ବିସ୍ଫୋରଣରେ ତିନି ଜଣ ଆହତ ହୋଇଥିବା ପୋଲିସ କହିଛି ।
ଦୁଇ ଜଣ କୃଷି ଅଧିକାରୀ କୃଷକ ସଂପର୍କ ମେଳାରେ ଯୋଗଦେବା ପାଇଁ ଏକ ଜିପ୍ ରେ ଜୟପୁରରୁ ନାରାୟଣପାଟଣା ଯାଉଥିବା ବେଳେ ପାଲାପୁଟ ଠାରେ ମାଓବାଦୀମାନେ ଏହି ବିସ୍ଫୋରଣ ଘଟାଇଛନ୍ତି ।
ଏଥିରେ ଦୁଇ କୃଷି ଅଧିକାରୀ ଓ ଜିପର ଡ଼୍ରାଇଭର ଆହତ ହୋଇଥିବା ବେଳେ ଜିପ୍ ଟି ଆଂଶିକ କ୍ଷତିଗ୍ରସ୍ତ ହୋଇଛି । ଆହତ ମାନଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।
ଓଡ଼ିଶା ଡ଼ଟ୍ କମ୍
