ଓଡ଼ିଶା ଡ଼ଟ୍ କମ୍ ସମ୍ବ।।ତା
ଭୁବନେଶ୍ୱର, ଜାନୁୟାରୀ ୨୫(ଓଡ଼ିଶା ଡ଼ଟ୍ କମ୍) ଗଣ୍ଡଗୋଳ ପରେ ରେଭେନ୍ସା ବିଶ୍ୱବିଦ୍ୟାଳୟ ଛାଡ଼ି ଯାଇଥିବା ୫୯ ଜଣ ଆଫ୍ଗାନ ଛାତ୍ର ମଙ୍ଗଳବାର ଭୁବନେଶ୍ୱର ଫେରି ଆସିଛନ୍ତି ।
ଉଚ୍ଚଶିକ୍ଷା ବିଭାଗ ଓ ପୋଲିସ ପକ୍ଷରୁ ସୁରକ୍ଷାର ପ୍ରତିଶୃତି ଦେବା ପରେ ସେମାନେ ଦିଲ୍ଲୀରୁ ଫେରି ଆସିଛନ୍ତି । ଭୁବନେଶ୍ୱର ରେଳ ଷ୍ଟେସନରେ ପହଂଚିବା ପରେ ସେମାନଙ୍କୁ ଏକ ସ୍ୱତନ୍ତ୍ର ବସ୍ରେ ପୋଲିସ ସୁରକ୍ଷା ମଧ୍ୟରେ ଅଣାଯାଇଛି ।
ସେମାନେ ଭୁବନେଶ୍ୱରରେ ରହି ବସ୍ ଯୋଗେ ବିଶ୍ୱବିଦ୍ୟାଳୟ ଯିବେ । ଏଥିପାଇଁ ସରକାର ଖର୍ଚ୍ଚ ବହନ କରିବେ ବୋଲି ନିଷ୍ପତ୍ତି ହୋଇଛି । ଛାତ୍ରମାନେ ଯେଉଁସବୁ କ୍ଲାସ କରିପାରି ନାହାନ୍ତି ସେଗୁଡ଼ିକ ପୁଣିଥରେ କରିବାର ବ୍ୟବସ୍ଥା କରାଯିବ ବୋଲି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ କହିଛନ୍ତି ।
ଗତ ୧୩ ତାରିଖରେ ସ୍ଥାନୀୟ ଛାତ୍ର ଓ ଆଫଗାନ ଛାତ୍ରଙ୍କ ମଧ୍ୟରେ ଗଣ୍ଡଗୋଳ ଘଟି ଜଣେ ଆଫଗାନ ଛାତ୍ର ଆହତ ହେବା ପରେ ନିଜକୁ ଅସୁରକ୍ଷତି ମନେକରି ଛାତ୍ରମାନେ ଗତ ମଙ୍ଗଳବାର ଦିଲ୍ଲୀ ଚାଲିଯାଇଥିଲେ ।
ଏହାପରେ ସରକାରଙ୍କ ପକ୍ଷରୁ ଉଚ୍ଚଶିକ୍ଷା ମନ୍ତ୍ରୀ ଦିଲ୍ଲୀ ଯାଇ ସଂପୃକ୍ତ ଛାତ୍ର ଓ ଆଫ୍ଗାନ ଦୁତାବାସ ଅଧିକାରୀଙ୍କ ସହ
ଆଲୋଚନା କରିଥିଲେ ।
ଓଡିଶା ଡଟ୍ କମ୍
