ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ
ବରଗଡ଼, ଅପ୍ରେଲ ୨୩(ଓଡ଼ିଶା ଡ଼ଟ୍ କମ୍) ଛାତ୍ରଛାତ୍ରୀମାନଙ୍କୁ ବିଜ୍ଞାନ ସଂଲଗ୍ନ ଗବେଷଣାକୁ ନିଜର କ୍ୟାରିୟର ଭାବରେ ନେବାକୁ ଉତ୍ସାହିତ କରିବା ପାଇଁ ଭାରତ ସରକାରଙ୍କ ବିଜ୍ଞାନ ଓ ପ୍ରଯୁକ୍ତି ବିଭାଗ ଆନୁକୁଲ୍ୟରେ ସମ୍ବଲପୁର ବିଶ୍ୱବ୍ୟିାଳୟ ଏକ ‘ଇନ୍ସପାୟର୍ ଇନ୍ଟରଶିପ କ୍ୟାମ୍ପ’ ଆୟୋଜିତ କରୁଛି ।
ବରଗଡ ସ୍ଥିତ ବିକାଶ ଜୁନିଅର କଲେଜ ପରିସରରେ ଆସନ୍ତା ଅପ୍ରେଲ ୨୬ରୁ ୩୦ ତାରିଖ ପର୍ଯ୍ୟନ୍ତ ଏହା ଅନୁଷ୍ଠିତ ହେବ ।
ସମ୍ବଲପୁର ବିଶ୍ୱବ୍ୟିାଳୟର କୁଳପତି ଅରୁଣ କୁମାର ପୂଜାରୀଙ୍କ ତତ୍ୱାବଧାନରେ ହେଉଥିବା ଏହି କ୍ୟାମ୍ପରେ ଶେର ବହୁ ବିଶିଷ୍ଟ ତଥା ପୁରସ୍କାର ବିଜେତା ବୈଜ୍ଞାନିକମାନେ ଯୋଜନା ଦେବାର କାର୍ଯ୍ୟକ୍ରମ ରହିଛି ।
ଶାନ୍ତି ସ୍ୱରୂପ ଭଟ୍ଟନାଗର ପୁରସ୍କାର ବିଜେତା ପ୍ରଫେସର କେ.ଭଟ୍ଟାଚାର୍ଯ୍ୟ, ଡାଇରେକ୍ଟର, ଇଣ୍ଡିଆନ ଏସୋସିଏସନ ଅଫ୍ କଲ୍ଟିଭେସନ ଅଫ୍ ସାଇନ୍ସ, କୋଲକାତା, ପ୍ରଫେସର ପି. ପାଣିଗ୍ରାହୀ, ଇସର, କୋଲକାତା, ଶାନ୍ତି ସ୍ୱରୂପ ପୁରସ୍କାର ବିଜେତା ପ୍ରଫେସର ସଂଜୟ ପୁରୀ, ସ୍କୁଲ ଅଫ୍ ଫିଜିକାଲ ସାଇନ୍ସ, ଜବାହରଲାଲ ନେହେରୁ ବିଶ୍ୱବ୍ୟିାଳୟ, ନୂଆଦିଲ୍ଲୀ, ପ୍ରଫେସର ଅମିତାଭ ମୁଖୋପାଧ୍ୟାୟ ।
ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ଇମୁନୋଲୋଜି, ନୂଆ ଦିଲ୍ଲୀ, ପ୍ରଫେସର ଟି. ବାଲାକ୍ରିଷ୍ଣା , ରସାୟାନ ବିଜ୍ଞାନ ବିଭାଗ, ମାଡ୍ରାସ ବିଶ୍ୱବ୍ୟିାଳୟ, ଡ଼. ପି. ଜୟଶଙ୍କର, ଫିସ୍ ଜେନେଟିକ୍ ଓ ବାଓଟେକ୍ନୋଲୋଜି ଡିଭିଜନ, ଭୂବନେଶ୍ୱର, ଡ଼ ଭି.ମୁରୁଗାମଣ୍ଡଲମ, ଗଣିତ ବିଜ୍ଞାନ ବିଭାଗ, ନିସାର, ଭୁବନେଶ୍ୱର, କର୍ଣ୍ଣଲ ଏସ୍.କେ. ସାମନ୍ତରାୟ ।
ଡି.ଆର୍.ଡି.ଓ ଚାନ୍ଦିପୁର ଓ ଶାନ୍ତି ସ୍ୱରୂପ ଭଟ୍ଟନାଗର ପୁରସ୍କାର ବିଜେତା ପ୍ରଫେସର କାର୍ମେଶୁ ପଟେଲ, ସ୍କୁଲ ଅଫ୍ କମ୍ପୁଟର ଏବଂ ସିଷ୍ଟମ ସାଇନ୍ସ, ଜବାହରଲାଲ ନେହେରୁ ବିଶ୍ୱବ୍ୟିାଳୟ, ନୂଆଦିଲ୍ଲୀରୁ ଆସି ଛାତ୍ରଛାତ୍ରୀ ମାନଙ୍କୁ ଉଦବୋଧନ ଓ ପ୍ରଶିକ୍ଷଣ ଦେବେ ।
ଏହି କ୍ୟାମ୍ପରେ ଗତ ବର୍ଷ ଦଶମ ଶ୍ରେଣୀ ବୋର୍ଡ ପରୀକ୍ଷାରେ ୮୨ ପ୍ରତିଶତ ଓ ତାଠାରୁ ଉର୍ଦ୍ଧ ମାର୍କ ରଖିଥିବା ୧୫୦ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିବେ । ସମ୍ବଲପୁର ବିଶ୍ୱବ୍ୟିାଳୟର ରସାୟନ ବିଜ୍ଞାନ ବିଭାଗର ପ୍ରଫେସର ବିଜୟ କୁମାର ମିଶ୍ର ଏହି କ୍ୟାମ୍ପର ସଂଯୋଜକ ତଥା ବିକାଶ ଜୁନିଅର କଲେଜର ଅଧ୍ୟକ୍ଷ ସମରେନ୍ଦ୍ର ପଣ୍ଡା ସହ ସଂଯୋଜକ ଅଛନ୍ତି ।
ବରଗଡ ଜିଲ୍ଲାରେ ପ୍ରଥମ ଥର ପାଇଁ ଏଭଳି ଏକ କ୍ୟାମ୍ପର ଆୟୋଜନର ସୁଯୋଗ େଇଥିବାରୁ ବିକାଶର ଅଧ୍ୟକ୍ଷ ଡି ମୁରଲୀ କ୍ରିଷ୍ଣା ସମ୍ବଲପୁର ବିଶ୍ୱବ୍ୟିାଳୟକୁ ଧନ୍ୟବାଦ ଜଣାଇଛନ୍ତି ।
ଓଡ଼ିଶା ଡ଼ଟ୍ କମ୍
