ଅନ୍ନପୂର୍ଣ୍ଣାଦେବୀ ପାଣ୍ଡେ
ଟେକ୍ସାସ, ଜୁଲାଇ ୭(ଓଡ଼ିଶା ଡ଼ଟ୍ କମ୍) ଯୁକ୍ତରାଷ୍ଟ୍ର ଆମେରିକାର ଟେକ୍ସାସର ଲ୍ଲାସ ଠାରେ ଓଡିଶା ସୋସାଇଟି ଅଫ୍ ଆମେରିକା’ (ଓଏସ୍ଏ)ର ୪୨ ତମ ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି । ଜୁଲାଇ ୧ରୁ ୩ ତାରିଖ ପର୍ଯ୍ୟନ୍ତ ହୋଇଥିବା ଏହି ଅଧିବେଶନରେ ଓଡ଼ିଶା ତଥା ଓଡ଼ିଶା ବାହାରେ ରହୁଥିବା ହଜାର ହଜାର ଲୋକ ଯୋଗ ଦେଇଥିଲେ ।
ଓଡ଼ିଶା ସୋସାଇଟି ଅଫ୍ ଆମେରିକାର ଦକ୍ଷିଣ ପଶ୍ଚିମ ଚାପ୍ଟର ପକ୍ଷରୁ ଲ୍ଲାସର ଲିଗାସି ଟାଉନ ସେଣ୍ଟରରେ ଏହାର ଆୟୋଜନ କରାଯାଇଥିଲା । ଅଧିବେଶନର ପ୍ରମୁଖ ବିଷୟ ବସ୍ତୁ ଥିଲା ଓଡ଼ିଶାର ପରମ୍ପରା ଏବଂ ଗର୍ବ ଓ ଗୌରବ ।
ସେଟଲର କଂଗ୍ରେସମ୍ୟାନ ଜିମ୍ ମେକଡ଼େରମଟ୍ ଅଧିବେଶନରେ ବକ୍ତା ଭାବେ ଯୋଗ ଦେଇଥିଲେ । ସେ ଆମେରିକା- ଭାରତ ବାଣିଜ୍ୟ ସଂପର୍କର ପ୍ରମୁଖ ଓକିଲ । ଭାରତ ସରକାରଙ୍କ ମୁଖ୍ୟ ସୂଚନା କମିଶନର ସତ୍ୟାନନ୍ଦ ମିଶ୍ର ଅଧିବେଶନରେ ମୁଖ୍ୟ ବକ୍ତା ଭାବେ ଯୋଗ ଦେଇଥିବା ବେଳେ ଓଟିଭି ନିର୍ଦ୍ଦେଶକ ଜାଗିମଙ୍ଗତ ପଣ୍ଡା ପ୍ରମୁଖ ଯୁବ ବକ୍ତା ଭାବେ ଯୋଗ ଦେଇଥିଲେ ।
ଓଡ଼ିଶା ସରକାରଙ୍କ ବରିଷ୍ଠ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଏବଂ ଆମେରିକା ତଥା ଓଡ଼ିଶାର ବହୁ ଲୋକ ଏଥିରେ ଯୋଗ ଦେଇଥିଲେ । ଓଏସ୍ଏ ସଭାପତି ବିଜ୍ଞାନି ଦ।ସ, ଉପସଭାପତି ପ୍ରତାପ ମହାପାତ୍ର ଏବଂ କୋଷାଧ୍ୟକ୍ଷ ଅଖିଳେଶ୍ୱର ପଟେଲପ୍ରମୁଖ ଉ୍ଘାଟନ ଉତ୍ସବର ପରିଚାଳନା କରି ବିଭିନ୍ନ ପୁରସ୍କାର ପ୍ରଦାନ କରିଥିଲେ ।
ଆମେରିକାରେ ଓଡ଼ିଆଙ୍କ ପାଇଁ ଜୀବନବ୍ୟାପୀ କାର୍ଯ୍ୟ ନିମନ୍ତେ ସାରସିନ୍ଧୁ ମିଶ୍ରଙ୍କୁ ପୁରସ୍କୃତ କରାଯାଇଥିଲା । ଏହା ବ୍ୟତୀତ ସାଂସ୍କୃତିକ କାର୍ଯ୍ୟକ୍ରମରେ ଜୀବନବ୍ୟାପୀ ସାଧନା ପାଇଁ ଓଡ଼ିଶାର ଶାନ୍ତନୁ ମହାପାତ୍ର ଏବଂ ସଂଗୀତଜ୍ଞ ଚିତ୍ତ ଜେନାଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
ଶେଷ ଦିନରେ ସାଧାରଣ ବୈଠକ ଅନୁଷ୍ଠିତ ହୋଇଥିଲା ଏବଂ ନୂଆ କର୍ମକର୍ତ୍ତା ଚୟନ କରାଯାଇଥିଲା । ଅନ୍ନପୂର୍ଣ୍ଣା ଦେବୀ ପାଣ୍ଡେ ସଭାପତି, କୁକୁ ଦ।ସ ଉପସଭାପତି, ଲୀନା ମିଶ୍ର ସଂପାଦକ ଏବଂ ସୁଶାନ୍ତ ସତପଥି କୋଷାଧ୍ୟକ୍ଷ ଭାବେ ଆସନ୍ତା ଦୁଇ ବର୍ଷ ପାଇଁ ଓଏସ୍ଏ ପ୍ରଶାସନର ଦ।ୟୀତ୍ୱ ଗ୍ରହଣ କରିଥିଲେ । ଓଡ଼ିଶା ସୋସାଇଟି ଅଫ୍ ଆମେରିକାରେ ସଦସ୍ୟଙ୍କ ସଂଖ୍ୟା ବୃଦ୍ଧି, ଆମେରିକାରେ ରହୁଥିବା ଓଡ଼ିଆଙ୍କ ଏକ ଡ଼ାଟାବେସ ପ୍ରସ୍ତୁତ ଏବଂ ଓଡ଼ିଶାରେ ରହୁଥିବା ଲୋକଙ୍କ ସହ ବାହାରେ ରହୁଥିବା ଲୋକଙ୍କ ସଂପର୍କ ଉପରେଓଏସ୍ଏ ଅଧିବେଶନର ସଭାପତି ପାଣ୍ଡେ ବକ୍ତବ୍ୟ ପ୍ରଦାନ କରିଥିଲେ ।
ଓଡ଼ିଶାରେ ମହିଳା ସଶକ୍ତିକରଣ, ଶିକ୍ଷା ଓ ଏହାର ସାମାଜିକ ଓ ଆର୍ଥିକ ବିକାଶ ଏବଂ ସ୍ୱାସ୍ଥ୍ୟ ଉପରେ ଅଧିବେଶନରେ ଆଲେଚନା କରାଯାଇଥିଲା ।ଏହି ଅବସରରେ ଆୟୋଜିତ ମନୋରଂଜନ କାର୍ଯ୍ୟକ୍ରମରେ ଓଡ଼ିଶାର ନୃତ୍ୟଶିଳ୍ପୀ ତଥା ସେଠାରେ ଥିବା ଓଏସ୍ଏର ବିଭିନ୍ନ ଚାପ୍ଟର କଳାକାରମାନେ ଅଂଶ ଗ୍ରହଣ କରି ।
ଓଡ଼ିଶାର ସଂସ୍କୃତି ଓ ପରମ୍ପରା ସହିତ ସାମିଲ ହେବା ତଥା ଓଡ଼ିଶାର ପୁରୁଣା ବନ୍ଧୁଙ୍କ ସହ ମିଶିବା ପାଇଁ ଏହା ଏକ ବିଶେଷ ମୁହୁର୍ତ୍ତ । ଏହାର ପରିଚାଳକ ତପନ ପାଢୀ, ସହ ପରିଚାଳକ ଦେବାଶିଷ ନନ୍ଦ, ଗୋପାଳ ମହାପାତ୍ର, ଓଏସ୍ଏର ଦକ୍ଷିଣ ପଶ୍ଚିମ ଚାପ୍ଟର ସଭାପତି ଏବଂ ଶତାଧିକ ସ୍ୱେଚ୍ଛାସେବୀଙ୍କୁ ସେମାନଙ୍କର ସହାୟତା ପାଇଁ ପାଣ୍ଡେ ଧନ୍ୟବାଦ ଜଣାଇଛନ୍ତି ।
ଓଡ଼ିଶା ଡ଼ଟ୍ କମ୍
