ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁଲାଇ ୧୮(ଓଡ଼ିଶା ଡ଼ଟ୍ କମ୍) ଘରୋଇ ବସ୍ ମାଲିକ ସଂଘର ଦ।ବି ପରେ ସୋମବାର ରାଜ୍ୟ ସରକାର ଘରୋଇ ବସ୍ ଭଡ଼ା ବୃଦ୍ଧି କରିଛନ୍ତି ।
ସାଧାରଣ ବସ୍ କିଲୋମିଟର ପିଛା ଚାରି ପଇସା, ଏକ୍ସପ୍ରେସ ବସ୍ ପାଞ୍ଚ ପଇସା, ଡ଼ିଲକ୍ସ ବସ୍ ଛଅ ପଇସା ଏବଂ ଏସି ଡ଼ିଲକ୍ସ ବସ୍ କିଲୋମିଟର ପିଛା ଆଠ ପଇସାକୁ ବୃଦ୍ଧି କରାଯାଇଥିବା ପରିବହନ ମନ୍ତ୍ରୀ ସଂଜୀବ ସାହୁ ଘୋଷଣା କରିଛନ୍ତି ।
ଫଳରେ ବର୍ତ୍ତମାନ ସାଧାରଣ ବସ୍ରେ କିମି ପ୍ରତି ୫୦ ପଇସା, ଏକ୍ସପ୍ରେସ ବସ୍ରେ ୫୩ ପଇସା, ଡ଼ିଲକ୍ସ ବସ୍ରେ ୭୦ ପଇସା ଏବଂ ଏସି ଡ଼ିଲକ୍ସ ବସ୍ରେ ୮୫ ପଇସା ବୋକୁ ପଡ଼ିବ ।
ଘରୋଇ ବସ୍ ମାଲିକ ସଂଘର କର୍ମକର୍ତ୍ତାଙ୍କ ସହ ଆଲୋଚନା ପରେ ସାହୁ ଏହି ଘୋଷଣା କରିଛନ୍ତି । ତେବେ ଭଡ଼ା ବୃଦ୍ଧି ନେଇ ସଂଘ ଅସନ୍ତୋଷ ପ୍ରକାଶ କରିଛି ।
ଡ଼ିଜେଲ ଦର ବୃଦ୍ଧି ହୋଇଥିବାରୁ ବସ୍ ଭଡା ବୃଦ୍ଧି କରିବାକୁ ସଂଘ ସରକାରଙ୍କୁ ପ୍ରସ୍ତାବ ଦେଇଥିଲା ଏବଂ ଏସଂପର୍କରେ କୌଣସି ନିଷ୍ପତ୍ତି ନନେଲେ ଆସନ୍ତା ୧୯ ତାରିଖରୁ ରାଜ୍ୟବ୍ୟାପୀ ଘରୋଇ ବସ୍ ଚଳାଚଳ ବନ୍ଦ କରିବାକୁ ଚେତାବନୀ ଦେଇଥିଲା ।
ଓଡ଼ିଶା ଡ଼ଟ୍ କମ୍
