ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଖୋର୍ଦ୍ଧା, ଜୁଲାଇ ୨୮(ଓଡ଼ିଶା ଡ଼ଟ୍ କମ୍) ଖୋର୍ଦ୍ଧା ଜିଲ୍ଲାର ଜାମୁଝରୀ ଗ୍ରାମରେ ଥିବା ମୁକ୍ତାକାଶ ଆଶ୍ରମରୁ ଆଜୀବନ କାରାଣ୍ଡ ଭୋଗୁଥିବା ଆଠ ଜଣ କଏଦୀ ଙ୍କୁ ଗୁରୁବାର ମୁକ୍ତ କରାଯାଇଛି ।
ଏହି କଏଦୀମାନେ ହେଲେ ବାଲିପାଟଣାର କାଳିଆ ମୁଖି ରାମ, ରାୟଗଡାର ଗାଧର ପ୍ରଧାନ, ମୟୁରଭଞ୍ଜର ଯୁମଣି ହେୁରୀ ଓ ବିଷ୍ଣୁ ସିଂ, ମାଲକାନାଗିରୀର ରାମ ପୂଜାରୀ, ବଳାଙ୍ଗିରର ଶତ୍ରୁଘ୍ନ ମେସୁଆ, ବାଲିଅନ୍ତାର ବିରଞ୍ଚି ସାହୁ, ଭୁବନେଶ୍ୱର ଚନ୍ଦ୍ରଶେଖରପୁରର ପ୍ରଫୁଲ ରାଉତ ।
ଆଉ ଦୁଇ ଜଣ କଏଦୀ ବର୍ତ୍ତମାନ ମୁକ୍ତି ଅପେକ୍ଷାରେ ଅଛନ୍ତି । ଆଶ୍ରମରେ ଆଜୀବନ କାରାଣ୍ଡ ଭୋଗୁଥିବା କଏଦୀ ମାନଙ୍କର ଆଚାର, ବ୍ୟବହାରକୁ ଲକ୍ଷ୍ୟ କରାଯାଇ ସେମାନଙ୍କୁ କାରାଗାର ମଧ୍ୟରେ ମୁକ୍ତ ଭାବେ ଛଡାଯାଇଥାଏ ।
ଏଠାରେ ଯେଉଁମାନଙ୍କର ଖରାପ କାର୍ଯ୍ୟ ପ୍ରତି ବିତୃଷ୍ଣା ଆସେ ସେମାନଙ୍କୁ ସ୍ଥାନୀୟ ପୋଲିସ ସହାୟତାରେ ତାଙ୍କ ପରିବାର ପାଖକୁ ପଠାଇ ଦିଆଯାଏ ।
ଓଡ଼ିଶା ଡ଼ଟ୍ କମ୍
