ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜୁଲାଇ ୨୮(ଓଡ଼ିଶା ଡ଼ଟ୍ କମ୍) ‘ଜଳ ପୁରୁଷ’ ଭାବେ ଖ୍ୟାତ ବିଶିଷ୍ଟ ଜଳ ସଂରକ୍ଷଣବିତ ତଥା ରମଣ ମାଗସେସେ ପୁରସ୍କାର ବିଜେତା ରାଜେନ୍ଦ୍ର ସିଂ ଗୁରୁବାର ଭୁବନେଶ୍ୱର ସ୍ଥିତ ନାଲକୋ ର ନିଗମ କାର୍ଯ୍ୟାଳୟ ପରିଦର୍ଶନ କରିଛନ୍ତି ।
ଏହି ଅବସରରେ, ସେ ନାଲକୋର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ବି.ଏଲ୍ ବାଗ୍ରା ଏବଂ ବରିଷ୍ଠ ଅଧିକାରୀଙ୍କ ସହିତ ଜଳ ସମ୍ପଦର ଉପଯୁକ୍ତ ବିନିଯୋଗ, ପୁନଃବ୍ୟବହାର ତଥା ଜଳ ପ୍ରଦୂଷଣ ନିୟନ୍ତ୍ରଣ ନିମନ୍ତେ ବିଭିନ୍ନ ପକ୍ଷେପ ସମ୍ପର୍କରେ ଆଲୋଚନା କରିଥିଲେ ।
ପୂର୍ବରୁ ସେ ଅନୁଗୁଳ ସ୍ଥିତ ନାଲ୍କୋର ସ୍ମେଲ୍ଟର ଓ ବିଦ୍ୟୁତ୍ ଉତ୍ପାଦନ ପ୍ରକଳ୍ପ ମଧ୍ୟ ପରିଦର୍ଶନ କରିଥିଲେ ।
ସିଂ ତାଙ୍କ ଦ୍ୱାରାପ୍ରତିଷ୍ଠିତ ‘ତରୁଣ ଭାରତ ସଂଘ’ ନାମକ ସ୍ୱେଚ୍ଛାସେବୀ ଅନୁଷ୍ଠାନ ଜରିଆରେ ବିଭିନ୍ନ ଅଭିନବ ଜ୍ଞାନକୌଶଳ ବ୍ୟବହାର କରି ଜଳ ସଂରକ୍ଷଣ ଆନ୍ଦୋଳନକୁ ଜାରୀ ରଖିଛନ୍ତି । ନାଲ୍କୋର ସ୍ମେଲ୍ଟର ଓ ବିଦ୍ୟୁତ ଉତ୍ପାନ ପ୍ରକଳ୍ପ ପରିଦର୍ଶନ ସମୟରେ ସେ ଜଳ ସଂରକ୍ଷଣ ତଥା ବର୍ଜ୍ୟ ଜଳର ପରିଚାଳନା ନିମନ୍ତେ କମ୍ପାନୀ ଦ୍ୱାରାଗ୍ରହଣ କରାଯାଇଥିବା ପକ୍ଷେପ ଗୁଡିକର ପ୍ରଶଂସା କରିଥିଲେ ।
ଏହି ଅବସରରେ, କମ୍ପାନୀ ଦ୍ୱାରାଜଳର ଉପଯୁକ୍ତ ବ୍ୟବହାର, ପୁନଃବ୍ୟବହାର ତଥା ସଂରକ୍ଷଣ
ଉଦ୍ଦେଶ୍ୟରେ ନିଜସ୍ୱ ତାପଜ ବିଦ୍ୟୁତ ଉତ୍ପାନ କେନ୍ଦ୍ର, ଆସପଣ୍ଡ ଓ ଇନଟେକ ପମ୍ପ ହାଉସରେ ଗ୍ରହଣ କରାଯାଇଥିବା ପକ୍ଷେପ ତଥା ଶୂନ୍ୟ ନିର୍ଗମନ ବ୍ୟବସ୍ଥା ଏବଂ ବର୍ଷା ଜଳ ସଂଗ୍ରହ ବ୍ୟବସ୍ଥା ଆଦି ବୁଲି ଖେିଥିଲେ ।
ଉତ୍ପାନ ପ୍ରକ୍ରିୟାର ପ୍ରତି ପର୍ଯ୍ୟାୟରେ ଜଳ ସଂରକ୍ଷଣ ନିମନ୍ତେ ନାଲ୍କୋର ଉଦ୍ୟମକୁ ସେ ପ୍ରଂଶସା କରିଥିଲେ ଏବଂ ଏ ଦିଗରେ ଅଧିକ ସକ୍ରିୟ ଭୂମିକା ଗ୍ରହଣ କରିବାକୁ ପରାମର୍ଶ ଦେଇଥିଲେ ।
ଓଡ଼ିଶା ଡ଼ଟ୍ କମ୍