ସିଣ୍ଡୋଲ ପ୍ରକଳ୍ପକୁ ବିରୋଧ କରି ବନ୍ଦ ଡ଼ାକରା

ସମ୍ବଲପୁର, ଅଗଷ୍ଟ ୯(ଓଡ଼ିଶା ଡ଼ଟ୍ କମ୍) ପଶ୍ଚିମ ଓଡ଼ିଶାରେ ହେବାକୁ ଥିବା ସିଣ୍ଡୋଲ ଜଳ ବିଦ୍ୟୁତ ପ୍ରକଳ୍ପକୁ ବିରୋଧ କରି ମଙ୍ଗଳବାର ଦୁଇଟି ଜିଲ୍ଲାରେ ବନ୍ଦ ପାଳନ କରାଯାଇଛି ।

କୋଶଳ କ୍ରାନ୍ତି ଦଳ ଏବଂ ସମ୍ବଲପୁର ଜିଲ୍ଲା ଓକିଲ ସଂଘ ପକ୍ଷରୁ ଏହି ବନ୍ଦ ଡ଼ାକରା ଦିଆଯାଇ ଥିବା ବେଳେ ସମ୍ବଲପୁର ଏବଂ ବୌଦ୍ଧ ଜିଲ୍ଲାରେ ଯାନବାହାନ ଚଳାଚଳ ବନ୍ଦ ରହିଛି ।

ସଂପୃକ୍ତ ଜିଲ୍ଲାରେ ଦୋକାନ ବଜାର, ବ୍ୟବସାୟିକ ପ୍ରତିଷ୍ଠାନ, ସ୍କୁଲ, କଲେଜ, ବ୍ୟାଙ୍କ ଇତ୍ୟାଦି ବନ୍ଦ ରହିଛି । ଲୋକମାନେ ବିଭିନ୍ନ ସ୍ଥାନରେ ରାସ୍ତା ଅବରୋଧ କରିଛନ୍ତି । ଫଳରେ ଜୀବନଯାତ୍ରା ପ୍ରଭାବିତ ହୋଇଛି ।

ଲୋକମାନେ ବିକ୍ଷୋଭ ପ୍ରଦର୍ଶନ କରିଥିବାରୁ ରେଢାଖୋଲ ଓ ସମ୍ବଲପୁର ମଧ୍ୟରେ ରେଳ ସେବା ମଧ୍ୟ ବାଧାପ୍ରାପ୍ତ ହୋଇଛି । ବନ୍ଦକୁ ବିଭିନ୍ନ ରାଜନୈତିକ ଦଳ ମଧ୍ୟ ସମର୍ଥନ କରିଛନ୍ତି ।

ଗତ ମାସରେ ଜାତୀୟ ଜଳବିଦ୍ୟୁତ ନିଗମ ସମ୍ବଲପୁରରେ ୧୦୦ ମେଗାୱାଟ, ସୋନପୁରରେ ୧୦୦ ମେଗାୱାଟ ଏବଂ ବୌଦ୍ଧରେ ୧୨୦ ମେଗାୱାଟର ବିଦ୍ୟୁତ ପ୍ରକଳ୍ପ ସ୍ଥାପନ ପାଇଁ ସରକାରଙ୍କ ସହ ବୁଝାମଣାପତ୍ର ସ୍ୱାକ୍ଷର କରିଥିଲା ।

ଏହି ପ୍ରକଳ୍ପ ପାଇଁ କୌଣସି ଲୋକ ବିସ୍ଥାପିତ ହେବେ ନାହିଁ ବୋଲି ସରକାରଙ୍କ ପକ୍ଷରୁ କୁହାଯାଇଥିବା ବେଳେ ଏହାକୁ ଲୋକମାନେ ବିରୋଧ କରୁଥିବାରୁ ସଂପୃକ୍ତ ଅଞ୍ଚଳରେ ଜନଶୁଣାଣି କରାଯିବ ବୋଲି କୁହାଯାଇଛି ।

ତେବେ ସରକାରଙ୍କ ଏଭଳି ଯୁକ୍ତିକୁ ଲୋକମାନେ ଗ୍ରହଣ କରୁନାହାନ୍ତି ।

ସରକାର ପ୍ରସ୍ତାବିତ ପ୍ରକଳ୍ପକୁ ବନ୍ଦ କରିବା ଉଚିତ୍ । ପ୍ରକଳ୍ପ ଗୁଡ଼ିକ ବିରୋଧର ସଌଗ୍ଦଙ୍କକ୍ଟ୍ର୧;ୁଖିନ ହେଉଥିବା ବେଳେ ସରକାର କାହିଁକି ଜନଶୁଣାଣି କରୁନାହାନ୍ତି ବୋଲି ଜଣେ ଆନ୍ଦୋଳନକାରୀ କହିଛନ୍ତି ।

ଏହି ପ୍ରକଳ୍ପ ଯୋଗୁଁ ୧୧୮ଟି ଗ୍ରାମ ସଂପୂର୍ଣ୍ଣ କିମ୍ବା ଆଶିଂକ ପ୍ରଭାବିତ ହେବ ଏବଂ ଏହା ସ୍ଥାନୀୟ ଲୋକଙ୍କୁ ୁର୍ଦ୍ଦଶା ମଧ୍ୟକୁ ଟାଣି ଆଣିବ ବୋଲି ପ୍ରକଳ୍ପ ବିରୋଧୀମାନେ କହିଛନ୍ତି ।

ପ୍ରକଳ୍ପ ୍ୱାରା ସମ୍ବଲପୁର ଜିଲ୍ଲାରେ ଥିବା ପ୍ରସିଦ୍ଧ ହୁମା ମନ୍ଦିର ସମେତ ବହୁତ ମନ୍ଦର ମଧ୍ୟ ପାଣିରେ ମିଶିଯିବ ବୋଲି ଲୋକମାନେ ଆଶଂକା କରୁଛନ୍ତି ।

ଅତୀତରେ ଲୋକମାନେ ଏହି ପ୍ରକଳ୍ପକୁ ବିରୋଧ କରୁଥିଲେ ତେଣୁ ସରକାର କାହିଁକି ପୁଣି ଏହାର ସ୍ଥାପନ ପାଇଁ ଆଗ୍ରହ ପ୍ରକାଶ କରୁଛନ୍ତି ବୋଲି ସେମାନେ କହିଛନ୍ତି ।

ଓଡ଼ିଶା ଡ଼ଟ୍ କମ୍