ଚାଟାର୍ଡ଼ ଆକାଉଣ୍ଟାଣ୍ଟ ହେବାକୁ ବାଣିଜ୍ୟ ଟପ୍ପରଙ୍କ ଇଚ୍ଛା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ମଇ ୩୦(ଓଡ଼ିଶା ଡ଼ଟ୍ କମ୍) ଭବିଷ୍ୟତରେ ଜଣେ ଚାଟାର୍ଡ଼ ଆକାଉଣ୍ଟାଣ୍ଟ ହେବାକୁ ଇଚ୍ଛା ପ୍ରକାଶ କରିଛନ୍ତି ଯୁକ୍ତ ଦୁଇ ବାଣିଜ୍ୟରେ ୫୩୭ ନମ୍ବର ରଖି ରାଜ୍ୟରେ ଟପ୍ପର ହୋଇଥିବା ବାରିପଦା ମହାରାଜା ପୂର୍ଣଚନ୍ଦ୍ର ଜୁନିଅର କଲେଜ ଛାତ୍ର ମନୀଷ ଅଗରୱାଲା ।

ବାରିପାର ବ୍ୟବସାୟୀ ଦିଲୀପ ଅଗରୱାଲା ଓ ମମତା ଅଗରୱାଲାଙ୍କ ସାନପୁଅ ମନୀଷ ବାରିପଦା ସେଣ୍ଟ ଆନିଜ୍ କନଭେଣ୍ଟ ସ୍କୁଲ୍ରୁରୁ ଆଇସିଏସ୍ଇ ପରୀକ୍ଷାରେ ପାସ୍ କରିବା ପରେ ଉକ୍ତ କଲେଜରେ ନାମ
ଲେଖାଇଥିଲେ ।

ନିୟମିତ କଲେଜରେ ପାଠ ପଢିବା ବ୍ୟତୀତ ପ୍ରତିିଦିନ ଆଠ ଘଣ୍ଟା ପରିଶ୍ରମ କରୁଥିଲି । ପରୀକ୍ଷା ଭଲ ହେବାକୁ ଆଶା ରଖିଥିଲି କିନ୍ତୁ ଟପ୍ପର ହେବି ବୋଲି ଭାବିନଥିଲି, ସେ କହିଛନ୍ତି ।

ଗୁରୁମାନେ ମୋ ପରୀକ୍ଷା ଭଲ ହେବାକୁ ଚାହୁଁଥିଲେ ଓ ମୁଁ ଭଲ କରି ଦେଖାଇଲି । ଆଗକୁ ବି ଏଭଳି ପରିଶ୍ରମ କରିବି । ବି.କମ୍ ପରେ ଚାଟାର୍ଡ ଏଅକାଉଣ୍ଟେନସି ପଢିବି ଏବଂ ଦେଶ ପାଇଁ କାମ କରିବି ବୋଲି ସେ କହିଛନ୍ତି ।

ପାଠପଢ଼ା ବ୍ୟତୀତ କ୍ରିକେଟରେ ତାଙ୍କର ରୁଚି ରହିଛି ଓ ସଚ୍ଚିନ ତେନ୍ଦୁଲକର ତାଙ୍କର ପ୍ରିୟ ଖେଳାଳି ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍