ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ସମ୍ବଲପୁର, ଅକ୍ଟୋବର ୩୧(ଓଡ଼ିଶା ଡ଼ଟ୍ କମ୍) ଗତ ତିନି ମାସ ତଳେ ଗିରଫ ହୋଇ ବିଚାରଧିନ ବନ୍ଦୀ ଭାବେ ନାରୀବନ୍ଦୀ ନିକେତନରେ ଥିବା ଜଣେ ମହିଳା ମାଓବାଦୀ ଡ଼ାକ୍ତରଖାନାରେ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ।
କ୍ୟାଡ଼ର ମାଓବାଦୀ ରାମବତୀ ଉଦେଷୀ ରବିବାର ସମ୍ବଲପୁର ଜିଲ୍ଲା ସଦର ଡ଼ାକ୍ତରଖାନାରେ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ସୁରକ୍ଷା ଦୃଷ୍ଟିରୁ ଉଭୟ ମା ଓ ଛୁଆକୁ ସୁରକ୍ଷା ମଧ୍ୟରେ ରଖାଯାଇଛି ।
ନୂଆପଡ଼ା ଜିଲ୍ଲାରେ ସକ୍ରୀୟ ମାଓବାଦୀ ସଂଗଠନର ଶ୍ୟାମାବତୀ ଓ ତାଙ୍କର ସହଯୋଗୀମାନଙ୍କୁ ବରଗଡ଼ ପୋଲିସ ଗତ ଜୁଲାଇ ୨୪ରେ ଗିରଫ କରିଥିଲା ।
ପରେ ଡ଼ାକ୍ତରୀ ପରୀକ୍ଷା ପରେ ସେ ଗର୍ଭବତୀ ଥିବା ଜଣାପଡ଼ିଥିଲା ଓ ସମ୍ବଲପୁର ସ୍ଥିତ ନାରୀ ନିକେତନରେ ତାଙ୍କୁ ରଖାଯାଇଥିଲା ।
ଓଡ଼ିଶା ଡ଼ଟ୍ କମ୍
