ଚାଷୀମୂଲିଆ ଆଦିବାସୀ ସଂଘ ନେତା ଗିରଫ, ବନ୍ଧୁକ ଜବତ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନାରାୟଣପାଟଣା,ଅକ୍ଟୋବର ୩୦(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାର ଏକ ସ୍ଥାନରେ ଚଢାଉ କରି ପୋଲିସ ଚାଷୀମୂଲିଆ ଆଦିବାସୀ ସଂଘର ନେତା କୁଷାଣା କେଣ୍ଡ୍ରୋକାଙ୍କୁ ଗିରଫ କରିଥିବା ଜଣେ ଅଧିକାରୀ ରବିବାର କହିଛନ୍ତି ।

ଏସ୍ଓଜି, ବିଏସ୍ଏଫ ଏବଂ ପୋଲିସ ମିଳିତ ଭାବେ ଶନିବାର ରାତିରେ ତାଙ୍କଘର ଉପରେ ଚଢ଼ଉ ସମୟରେ ଦୁଇଟି ଦେଶୀ ବନ୍ଧୁକ, ଦୁଇ କିଟ୍ ବ୍ୟାଗ ଓ କିଛି ମାଓବାଦୀ କାଗଜପତ୍ର ଜବତ କରିଥିବା ସେ କହିଛନ୍ତି ।

କେଣ୍ଡ୍ରୋକାଙ୍କ ନାଁରେ ୯ଟି ୱାରେଣ୍ଟ ଓ ଦୁଇଟି ହତ୍ୟା ମାମଲା ଥିବାବେଳେ ନାରାୟଣପାଟଣା ଥାନାଆକ୍ରମଣରେ ସେ ସଂପୃକ୍ତ ଥିବା ପୋଲିସ କହିଛି । ଏହି ମାମଲାରେ ସଂପୃକ୍ତ ଥିବାରୁ ପୋଲିସର ମୋଷ୍ଟ ୱାଣ୍ଟେଡ଼ ତାଲିକାରେ ତାଙ୍କୁ ରଖାଯାଇଥିଲା ।

ତାଙ୍କୁ ଲକ୍ଷ୍ମୀପୁର ଜେଏମ୍ଏଫ୍ସିଙ୍କ କୋର୍ଟରେ ହାଜର କରାଯିବା ପରେ କୋରାପୁଟ ଜେଲକୁ ପଠାଇ
ଦିଆଯାଇଛି ।

ଓଡ଼ିଶା ଡ଼ଟ୍ କମ୍