ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କେନ୍ଦୁଝର,ନଭେମ୍ବର ୮(ଓଡ଼ିଶା ଡ଼ଟ୍ କମ୍) ଟ୍ରକ୍ ଯୋଗେ ଖଣିଜ ପଦାର୍ଥ ପରିବହନ ବନ୍ଦ ନିଷ୍ପତିକୁ ବିରୋଧ କରି ମଙ୍ଗଳବାର କେନ୍ଦୁଝରରେ ଟ୍ରକ୍ ମାଲିକ ସଂଘ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଛି ।
ଜିଲ୍ଳା ଟ୍ରକ ମାଲିକ ସଂଘ,ଯୋଡା ଟ୍ରକ ମାଲିକ ସଂଘ ଓ ବଡବିଲ ଟ୍ରକ ମାଲିକ ସଂଘର ମିଳିତ ଡାକରାରେ ପ୍ରାୟ ୧୦ ହଜାରରୁ ଅଧିକ ଟ୍ରକ ମାଲିକ ସର ମହକୁମା ଠାରେ ଏକତ୍ରିତ ହୋଇଥିଲେ ।
ପରେ ସେମାନେ ସଂଘ କାର୍ଯ୍ୟାଳୟରୁ ଏକ ବିଶାଳ ଶୋଭାଯାତ୍ରାରେ ବାହାରି ଜିଲ୍ଳାପାଳଙ୍କ କାର୍ଯାଳୟ ନିକଟକୁ ଆସି ସେଠାରେ ଏକ ସମାବେଶର ଆୟୋଜନ କରିଥିଲେ ।
ଆନ୍ଦୋଳନକୁ ଜିଲ୍ଳାର ସମସ୍ତ ରାଜନୈତିକ ଦଳମତ ନିର୍ବିଶେଷରେ ସମର୍ଥନ କରିଥିବା ବେଳେ ଏହାକୁ ସଫଳ କରିବା ପାଇଁ ସେମାନେ ଆହ୍ୱାନ ଦେଇଥିଲେ । ଯାଜପୁରରେ ମଧ୍ୟ ଟ୍ରକ୍ ମାଲିକ ସଂଘ ପକ୍ଷରୁ ଶୋଭାଯାତ୍ରା କରାଯାଇ ଜିଲ୍ଲାପାଳଙ୍କୁ ଦ।ବି ପତ୍ର ପ୍ରଦାନ କରାଯାଇଛି ।
ସରକାର ଏ ଦିଗରେ ଯଦି କୌଣସି ନିଷ୍ପତି ନ ନିଅନ୍ତି ତେବେ ଆସନ୍ତା ୧୪ ତାରିଖରେ ବିଭିନ୍ନ ସ୍ଥାନରେ ରେଳ ରୋକ କରାଯିବ ବୋଲି ସଂଘ ପକ୍ଷରୁ କୁହାଯାଇଛି । ଟ୍ରକ୍ ଯୋଗେ ଖଣିଜ ପଦାର୍ଥ ପରିବହନ ବନ୍ଦ ନିଷ୍ପତିକୁ ବିରୋଧ କରି ଗତ ୩୧ ତାରିଖରେ କେନ୍ଦୁଝର ଜିଳ୍ଲା ବନ୍ଦ ଡ଼ାକରା ଦିଆଯାଇଥିଲା ।
ଓଡ଼ିଶା ଡ଼ଟ୍ କମ୍
