ଓଡିଶା ଡଟ୍ କମ୍ ସମ୍ବାଦଦାତା
ପୁରୀ, ନଭେମ୍ବର ୧୦ (ଓଡିଶା ଡଟ୍ କମ୍) ଗୁରୁବାର ପବିତ୍ର କାର୍ତିକ ପୂର୍ଣ୍ଣିମା ଅବସରରେ ସମୁଦ୍ରରେ ଡ଼ଙ୍ଗା ଭସାଇବା ତଥା ଶ୍ରୀଜୀଉଙ୍କୁ ଦର୍ଶନ କରିବା ପାଇଁ ପୁରୀରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି ।
ଆଜି ସକାଳୁ ସମୁଦ୍ରରେ ବହୁ ଲୋକ ବୁଡ ପକାଇ ସୂର୍ଯ୍ୟ ଦେବତାଙ୍କୁ ପୂଜାର୍ଚ୍ଚନା କରି ଡଙ୍ଗା ଭସାଇଛନ୍ତି । କାର୍ତିକ ପୂର୍ଣ୍ଣିମାରେ ମହାପ୍ରଭୁ ଶ୍ରୀଜଗନ୍ନାଥଙ୍କ ରାଜ ରାଜେଶ୍ୱରବେଶ ଦର୍ଶନ କରିବା ପାଇଁ ଭକ୍ତଙ୍କ ଭିଡ଼ ଲାଗି ରହିଛି ।
ମହାପ୍ରଭୁଙ୍କ ଏହି ବେଶ ଦର୍ଶନ କଲେ ପୂଣ୍ୟ ଅର୍ଜନ ହୁଏ ବୋଲି ବିଶ୍ୱାସ ରହିଛି । ଭକ୍ତମାନେ ଶାନ୍ତିଶୃଙ୍ଖଳାରେ ଶ୍ରୀଜିଉଙ୍କ ଦର୍ଶନ ପାଇଁ ବ୍ୟାରିକେଡ଼ କରାଯାଇଥିବା ବେଳେ ପ୍ରବଳ ଜନ ସମାଗମ ଦୃଷ୍ଟିରୁ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ପୁରୀ ବ୍ୟତୀତ ଭୁବନେଶ୍ୱର ସ୍ଥିତ ବିନ୍ଦୁସାଗର, ଦୟାନଦୀ , କୁଆଖାଇ, କଟକର କାଠଯୋଡି, ପାରାୀଦିପ, ଓ ଅନ୍ୟାନ୍ୟ ନଦୀ ଗୁଡିକରେ ପୁରୁଷ, ମହିଳା ଓ ଶିଶୁମାନେ ଡଙ୍ଗା ଭସାଇଛନ୍ତି ।
ଦେବାଦେବୀ ଙ୍କୁ ପୂଜା କରିବା ପାଇଁ ଶ୍ରୀମନ୍ଦିର ସମେତ ଭୁବନେଶ୍ୱର ସ୍ଥିତ ଲିଙ୍ଗରାଜ ମନ୍ଦିର, କଟକର ଧବଳେଶ୍ୱର ଓ ଅନ୍ୟ ଶୈବପୀଠ ଗୁଡ଼ିକରେ ବହୁ ଭକ୍ତଙ୍କ ସମାଗମ ହୋଇଛି । ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି ।
ସେହିପରି କଟକ, ପାରାୀପ, ସମ୍ବଲପୁର, ବାଲେଶ୍ୱର, ରାଉରକେଲା, କୋଣାର୍କର ଚନ୍ଦ୍ରଭାଗା ଓ ବ୍ରହ୍ମପୁରରେ ବୋଇତ ବନ୍ଦାଣ ଉତ୍ସବ ପାଳନ କରାଯାଇଛି ।
ଓଡିଶା ଡଟ୍ କମ୍
