ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ନଭେମ୍ବର ୧୩(ଓଡ଼ିଶା ଡ଼ଟ୍ କମ୍) ଗତ ୧୯୮୫ରୁ ୨୦୧୧ ମଧ୍ୟରେ ରାଜ୍ୟରେ ବିଭିନ୍ନ
ସରକାର ସମୟରେ ଇଚ୍ଛାଧିନ କୋଟାରେ ୮୩୨ଟି ଗୃହଜମି ଆବଂଟନ କରାଯାଇଥିବା ରିପୋର୍ଟ ପ୍ରକାଶ ପାଇଛି ।
ଏମାନଙ୍କ ମଧ୍ୟରେ ବର୍ତମାନ ମନ୍ତ୍ରୀ ଥିବା ବିକ୍ରମ ଆରୁଖ, ସୂର୍ଯ୍ୟନାରାୟଣ ପାତ୍ର, ମହେଶ୍ୱର ମହାନ୍ତି, ପ୍ରସନ୍ନ ଆଚାର୍ଯ୍ୟ ଏବଂ ପ୍ରଦୀପ ମହାରଥି ଓ କଂଗ୍ରେସ, ଜନତା ଦଳ ତଥା ବିଜେଡ଼ି-ବିଜେପି ସରକାରରେ ଜମି ପାଇଥିବା ବ୍ୟକ୍ତିଙ୍କ ବିଷୟରେ ସମ୍ବାଦପତ୍ର ଧରିତ୍ରୀ ରବିବାର ପ୍ରଥମ ପୃଷ୍ଠାରେ ପ୍ରକାଶ କରିଛି ।
ରିପୋର୍ଟ ଅନୁଯାୟୀ ୧୯୯୭ରୁ ୧୯୯୯ ମଧ୍ୟରେ ବର୍ତମାନର ବିରେଧି ଳ ନେତା ଭୂପିନ୍ଦର ସିଂହ ନଗର
ଉନ୍ନୟନ ମନ୍ତ୍ରୀ ଥିବାବେଳେ ଛତିଶଗଡ଼ ରାଜ୍ୟର ଜଣେ ସାଂସଙ୍କୁ ବରମୁଣ୍ଡା ଅଂଚଳରେ ଏକ ଘର ଦେଇଥିବା ରିପୋର୍ଟ ପ୍ରକାଶ ପାଇଛି ।
ଜନତା ଦଳ ସରକାରରେ ୧୯୯୨ରୁ ୯୩ ମଧ୍ୟରେ ନଳିନୀକାନ୍ତ ମହାନ୍ତି ନଗର ଉନ୍ନୟନ ମନ୍ତ୍ରୀ ଥିବା ବେଳେ
ପୂର୍ବତନ ମନ୍ତ୍ରୀ ନରସିଂହ ମିଶ୍ରଙ୍କୁ ଧର୍ମବିହାର ହାଉସିଂ ବୋର୍ଡ଼ରେ ଏକ ଘର ଦେଇଥିବା ଏହି ସମ୍ବାଦ ପତ୍ର ପ୍ରକାଶ କରିଛି ।
ସେହିପରି ୨୦୦୦ରୁ ୦୪ ମଧ୍ୟରେ ବିଜେଡ଼ି-ବିଜେପି ସରକାର ସମୟରେ ନଗର ଉନ୍ନୟନ ମନ୍ତ୍ରୀ ଥିବା
ସମୀର ଦେ ବିଜେପିର ପୂର୍ବତନ କେନ୍ଦ୍ରମନ୍ତ୍ରୀ ଦେବେନ୍ଦ୍ର ପ୍ରଧାନଙ୍କୁ ପ୍ରାଚୀବିହାର ଏନ୍କ୍ଲେଭରେ ଏକ ଘର ଦେଇଥିବା ରିପୋର୍ଟରେ ଦର୍ଶାଯାଇଛି ।
ଠିକ୍ ସେହିପରି ଦେ କଟକ ସିଡ଼ିଏରେ ଜଣେ ମହିଳାଙ୍କୁ ଘର, ପୂର୍ବତନ ମନ୍ତ୍ରୀ ବିମ୍ବାଧର କୁଅଁରଙ୍କୁ ଏକ ଘର, ମନମୋହନ ସାମଲଙ୍କୁ ବରମୁଣ୍ଡା ହାଉସିଂ କଲୋନୀରେ ଘର ଏବଂ ଏବିଭିପିର ସଂପାକଙ୍କୁ ହାଉସିଂ କଲୋନୀରେ ଏକ ଘର ପ୍ରଦାନ କରିଥିବା ରିପୋର୍ଟରେ କୁହାଯାଇଛି ।
୨୦୦୪ରୁ ୦୯ରେ ମେଂଟ ସରକାରରେ ନଗର ଉନ୍ନୟନ ମନ୍ତ୍ରୀ ଥିବା କନକ ବର୍ଦ୍ଧନ ସିଂଦେଓ ଖଣି ମାଲିକ
କୁଶ ଆପଟଙ୍କୁ ସିଡ଼ିଏରେ ଜମି ଏବଂ ଆପଟଙ୍କ ଦୁଇ ଭାଇ ଭୀମସେନ ଆପଟ ଓ ନବ ଅପଟଙ୍କୁ ସିଡ଼ିଏରେ ଘର ଦେଇଥିବା ବେଳେ କଟକ ପୂର୍ବତନ ମେୟର ନିବେଦିତା ପ୍ରଧାନଙ୍କୁ ମଧ୍ୟ ସିଡ଼ିଏରେ ଏକ ଘର ଦେଇଥିବା ସମ୍ବାଦପତ୍ର ପ୍ରକାଶ କରିଛି ।
୧୯୮୫ରୁ ୯୦ କଂଗ୍ରେସ ସମୟରେ ୧୦ଟି, ୧୯୯୦-୯୫ ଜନତା ଦଳ ସମୟରେ ୯୫ଟି, ୧୯୯୫ରୁ
୨୦୦୦ କଂଗ୍ରେସ ସମୟରେ ୫୦୦ଟି , ୨୦୦୦ରୁ ୨୦୦୪ରେ ବିଜେପି ମନ୍ତ୍ରୀ ସମୟରେ ୧୦୭ ଏବଂ
୨୦୦୪ରୁ ୨୦୦୯ ମଧ୍ୟରେ ୧୧୭ ଟି ଘର ଆବଂଟନ କରାଯାଇଥିବା ବେଳେ ୨୦୦୯ରୁ ୨୦୧୧ ମଧ୍ୟରେ
ବିଜେଡ଼ି ସମୟରେ ୩ଟି ଘର ଆବଂଟନ କରାଯାଇଥିବା ଉକ୍ତ ସମ୍ବାଦପତ୍ରରେ ପ୍ରକାଶ ପାଇଛି ।
ଓଡ଼ିଶା ଡ଼ଟ୍ କମ୍
