ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ନୂଆଦିଲ୍ଲୀ, ନଭେମ୍ବର ୧୫(ଓଡ଼ିଶା ଡ଼ଟ୍ କମ୍) ନୂଆଦିଲ୍ଲୀ ସ୍ଥିତ ପ୍ରଗତି ମଇାନରେ ଆରମ୍ଭ ହୋଇଥିବା ଅନ୍ତର୍ଜାତିକ ବାଣିଜ୍ୟ ମେଳାରେ ଓଡ଼ିଶା ମଣ୍ଡପ ଉଦଘାଟିତ ହୋଇଛି ।
ସୋମବାର ଆରମ୍ଭ ହୋଇଥିବା ଏହି ୧୪ଦିନିଆ ମେଳାରେ ଓଡ଼ିଶା ମଣ୍ଡପକୁ ରାଜସ୍ୱ ମନ୍ତ୍ରୀ ସୂର୍ଯ୍ୟ ନାରାୟଣ ପାତ୍ର ଉଦଘାଟନ କରିଛନ୍ତି । ଚଳିତ ବର୍ଷ ଏହି ମେଳାର ବିଷୟବସ୍ତୁ ଭାରତୀୟ ହସ୍ତକଳା ରହିଥିବାରୁ ଓଡ଼ିଶା ମଣ୍ଡପକୁ ଅଧିକ ପ୍ରାଧାନ୍ୟ ଦିଆଯାଇଛି ।
ଏଥିପାଇଁ ୩୦ଟି ହସ୍ତତନ୍ତ ଓ ହସ୍ତକଳା ସଂସ୍ଥା ସେମାନଙ୍କର କାର୍ଯ୍ୟ ପ୍ରଦର୍ଶିତ କରିଛନ୍ତି । ଅନ୍ୟମାନଙ୍କ ମଧ୍ୟରେ ଜିନ୍ଦଲ ଷ୍ଟିଲ, ନାଲ୍କୋ, ଟାଟା, ରାଜ୍ୟ ପର୍ଯ୍ୟଟନ ବିଭାଗ, ଜଳବିଦ୍ୟୁତ ବିଭାଗ ଓ କୃଷି ବିଭାଗ ଆଦି ଏଥିରେ ଅଂଶ ଗ୍ରହଣ କରିଛନ୍ତି ।
ଆସନ୍ତା ୧୭ ଓ ୧୮ରେ ରାଜ୍ୟରେ ରହିଥିବା ବିକାଶ ସୁଯୋଗ ଉପରେ ଆଲୋଚନା କରାଯିବ ଏବଂ ୨୬ରେ ପ୍ରଗତିମଇାନର ଲାଲ୍ ଚୌକ୍ ଠାରେ ଓଡ଼ିଶା ଦିବସ ପାଳନ କରାଯିବ ।
ଓଡ଼ିଶା ଡ଼ଟ୍ କମ୍
