ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ନୂଆଦିଲ୍ଲୀ, ନଭେମ୍ବର ୨୪(ଓଡ଼ିଶା ଡ଼ଟ୍ କମ୍) ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ମାନ୍ୟତା ଦେବା ପାଇଁ କେନ୍ଦ୍ର ସରକାରଙ୍କ ନିକଟରେ ରାଜ୍ୟ ସରକାର ବାରମ୍ବାର ଦ।ବି କରିଆସୁଥିବା ବେଳେ ଶେଷରେ ନିରାଶ ହେବାକୁ ପଡ଼ିଛି ।
ଓଡ଼ିଶା ସ୍ୱତନ୍ତ୍ର ରାଜ୍ୟ ପାହ୍ୟା ପାଇବାକୁ ଯୋଗ୍ୟ ନୁହେଁ ବୋଲି କେନ୍ଦ୍ର ଯୋଜନା ରାଷ୍ଟ୍ରମନ୍ତ୍ରୀ ଅଶ୍ୱିନୀ କୁମାର ବୁଧବାର ଲୋକସଭାରେ କହିଛନ୍ତି ।
ସ୍ୱତନ୍ତ୍ର ରାଜ୍ୟ ପାହ୍ୟା ପାଇଁ ବିହାରର ଦ।ବି ଉପରେ ବିଚାର କରାଯାଉଛି ବୋଲି ସେ କହିଛନ୍ତି । ଏହି ମାନ୍ୟତା ପାଇବା ପାଇଁ ଯେଉଁ ସର୍ତ ରହିଛି ତାହା ଓଡ଼ିଶା ପୂରଣ କରୁନାହିଁ ବୋଲି ସେ
ଦର୍ଶାଇଛନ୍ତି ।
ସ୍ୱତନ୍ତ୍ର ରାଜ୍ୟ ପାହ୍ୟା ପାଇବାକୁ ହେଲେ ସଂପୃକ୍ତ ରାଜ୍ୟରେ ପାର୍ବତୀୟ ଏବଂ ଦୁର୍ଗମ ଅଂଚଳ, ବହୁ ସଂଖ୍ୟାରେ ଆଦିବାସୀ, ଅର୍ନ୍ତଜାତୀୟ ସୀମାରେଖା, ବିକାଶରେ ପଛୁଆ ଏବଂ ଆର୍ଥିକ ପରିସ୍ଥିତି ଖରାପ ରହିବା ଆବଶ୍ୟକ, ସେ କହିଛନ୍ତି ।
ସ୍ୱତନ୍ତ୍ର ପାହ୍ୟା ପାଇଁ ରହିଥିବା ସର୍ତାବଳୀରୁ କେବଳ ଆର୍ନ୍ତଜାତୀୟ ସୀମାରେଖ।। ବ୍ୟତୀତ ଓଡ଼ିଶା ଅନ୍ୟ ସମସ୍ତ ସର୍ତାବଳୀ ପୂରଣ କରୁଛି ବୋଲି ରାଜ୍ୟ ସରକାରଙ୍କ ପକ୍ଷରୁ କୁହାଯାଇଛି ।
ନିକଟରେ ଅନୁଷ୍ଠିତ ରାଷ୍ଟ୍ରୀୟ ବିକାଶ ପରିଷଦ ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓଡ଼ିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟା ଭାବେ ଘୋଷଣା କରିବାକୁ ଦ।ବି କରିଥିଲେ ।
ରାଜ୍ୟରେ ବହୁ ସଂଖ୍ୟାରେ ଆଦିବାସୀ ବସବାସ କରୁଛନ୍ତି ଏବଂ ଏହା ଆର୍ଥିକ ବିକାଶ କ୍ଷେତ୍ରରେ ଅନ୍ୟ ରାଜ୍ୟ ଗୁଡ଼ିକ ଠାରୁ ପଛରେ ରହିଛି ବୋଲି ସେ ଦର୍ଶାଇଥିଲେ ।
ଓଡ଼ିଶା ଡ଼ଟ୍ କମ୍
