ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡ଼ିସେମ୍ବର ୧(ଓଡ଼ିଶା ଡ଼ଟ୍ କମ୍)ଚିଲିକାରେ ଜଳବାୟୁ ପରିବର୍ତନ ର ପ୍ରଭାବ ଉପରେ ସାଉଥ ଏସିଆର ୱେଟ୍ଲ୍ୟାଣ୍ଡସ୍ ଇଣ୍ଟରନ୍ୟାସନାଲ ଙ୍କ ସହାୟତାରେ ଚିଲିକା ଉର୍ନ୍ନୟନ କର୍ତୃପକ୍ଷ ପ୍ରଥମ ଥର ପାଇଁ ଏକ ତିନିବର୍ଷିଆ ଗବେଷଣା କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛନ୍ତି । ଏ ସଂପର୍କରେ ସିଡ଼ିଏ ଅଧିନରେ ଥିବା ବଡ଼କୂଳର ଆଦ୍ରଭୂମି ଗବେଷଣା ଓ ପ୍ରଶିକ୍ଷଣ କେନ୍ଦ୍ରରେ ଗବେଷଣା ସଂପର୍କିତ ଏକ ଆଧାରିତ କର୍ମଶାଳା ଡ଼ିସେମ୍ବର ୧ ତାରିଖରୁ ଆରମ୍ଭ ହୋଇଛି । ଏହା
ଡ଼ିସେମ୍ବର ୩ ତାରିଖ ପର୍ଯ୍ୟନ୍ତ ଚାଲିବ । ଜଳବାୟୁ ପରିବର୍ତନ ଜନିତ ସଂଘାତ ଗୁଡ଼ିକୁ ହ୍ରାସ କରିବାକୁ ଆବଶ୍ୟକ ରଣନୀତି ଓ କାର୍ଯ୍ୟକ୍ରମ ମାନ ନିର୍ଧାରଣ ସହ ଆଦ୍ର ଭୂମିର ଯଥାଯଥ ପରିଚାଳନା କରି ଏହା ଉପରେ ନିର୍ଭରଶୀଳ ମତ୍ସ୍ୟଜୀବୀ ସଂପ୍ରଦାୟଙ୍କ ପ୍ରସ୍ତୁତି ଓ ଦକ୍ଷତା ବୃଦ୍ଧି ଆଦି ପ୍ରସଂଗରେ ଆଗାମୀ ତିନି ବର୍ଷ ମଧ୍ୟରେ କାର୍ଯ୍ୟକ୍ରମ ମାନ ପ୍ରଣିତ ଓ ପ୍ରୟୋଗ ହେବ ।
ବିଶେଷକରି ପାରଂପରିକ ଭାବେ ଚିଲିକା ଉପରେ ନିର୍ଭରଶୀଳ ମତ୍ସ୍ୟଜୀବୀମାନଙ୍କର ଜୀବିକାର
ପ୍ରତିରୋଧକ ବ୍ୟବସ୍ଥାକୁଦୃଢୀଭୂତ କରିବାକୁ ଏହି ତିନି ବର୍ଷିଆ କାର୍ଯ୍ୟକ୍ରମ ଅନୁସ୍ଥିତ ହେବାକୁ ଯାଉଛି ।
ଏଥିପାଇଁ ବୈଷୟିକ ଓ ବିଶେଷଜ୍ଞ ସହାୟତା ପ୍ରଦାନ କରିବେ ଅଷ୍ଟ୍ରେଲିଆର ଚାର୍ଳସ ବିଶ୍ୱବିଦ୍ୟାଳୟର ଭୂମି,ଜଳ ଓ ଜନ ସମାଜ ପ୍ରତିଷ୍ଠାନ । ଏଭଳି ଗବେଷଣାତ୍ମକ ପକ୍ଷେପ ସମଗ୍ର ଦେଶରେ ପ୍ରଥମ
ଓଡ଼ିଶା ଡ଼ଟ୍ କମ୍
