ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡ଼ିସେମ୍ବର୨(ଓଡ଼ିଶା ଡ଼ଟ୍ କମ୍)ଏକାଧିକ ସେକ୍ସ ରାକେଟ୍ ରେ ଜଡ଼ିତ ଥିବା ରାଜ୍ୟର ଜଣେ ଦେହ ବ୍ୟବସାୟୀ କୁ ପଶ୍ଚିମବଙ୍ଗରୁ ଗିରଫ କରାଯାଇଥିବା ପୋଲିସ ଶୁକ୍ରବାର କହିଛି ।
ଭୁବନେଶ୍ୱରର ବିଭିନ୍ନ ସ୍ଥାନରେ ସେକ୍ସ ରାକେଟ୍ ଚଳାଇ ପୂର୍ବରୁ ବହୁବାର ଗିରଫ ହୋଇଥିବା
ସୁନୀଲ ମେହେର ନାମକ ଏହି ବ୍ୟକ୍ତି କୋଲକାତାରେଏକ ଘରେ ତିନି ଜଣ ଯୁବତୀଙ୍କୁ ବଳପୂର୍ବକ
ରଖିଥିଲା ଓ ସେମାନଙ୍କୁ ସେ ଅନୈତିକ କାର୍ଯ୍ୟ କରିବାପାଇଁ ବାଧ୍ୟ କରୁଥିଲା ।
ନିଜ ସ୍ତ୍ରୀ ସହଯୋଗରେ ସେ ଏହି ଅନୈତିକ କାର୍ଯ୍ୟକଳାପ ଚଳାଇଥିବା ବେଳେ କୋଲକାତା ପୋଲିସ
ତାର ଆଡ୍ଡା ଉପରେ ଗୁରୁବାର ଚଢାଉ କରିଥିଲେ । ଘଟଣାସ୍ଥଳରୁ ପୋଲିସ ସୁନୀଲ,ତା ସ୍ତ୍ରୀ,ତିନି ଜଣ ଯୁବତୀ ଓ ତିନି ଜଣ ଯୁବକଙ୍କୁ ଗିରଫ କରିଥିଲେ ।
କମିଶନରେଟ୍ ପୋଲିସର ଏକ ଦଳ ତାକୁ ଟ୍ରାନଜିଟ୍ ରିମାଣ୍ଡ୍ରେ ଆଣିବା ପାଇଁ କୋଲକାତା ଯାଇଥିବା ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।
ଏଠାରେ ଉଲ୍ଲେଖଯୋଗ୍ୟ ଯେ,ମେହେର ନାମରେ ପୂର୍ବରୁ ଯୁବତୀ ଚାଲାଣ,ସେକ୍ସ ରାକେଟ୍ ତଥା
ବେଆଇନ ଅସ୍ତ୍ରଶସ୍ତ୍ର ବ୍ୟବହାର ସଂପର୍କିତ କେତେକ ମାମଲା ରହିଛି ଓ ତାକୁ ପୋଲିସ ବହୁଦିନ ହେଲା
ଖୋଜୁଥିଲା ।
ଓଡ଼ିଶା ଡ଼ଟ୍ କମ୍
