ଓଡ଼ିଶା ଡ଼ଟ୍ କମ୍:ଶାନ୍ତନୁ ବିଶ୍ୱାଳ
ବରଗଡ଼,ଡ଼ିସେମ୍ବର ୨(ଓଡ଼ିଶା ଡ଼ଟ୍ କମ୍)ବରଗଡ଼ଠାରେ ପ୍ରତିବର୍ଷ ହେଉଥିବା ଧନୁଯାତ୍ରା ପାଇଁ ପ୍ରଶାସନ ତରଫରୁ ଏହି ବର୍ଷ ମଧ୍ୟ ଆଗ୍ରହ ପ୍ରକାଶ ପାଇଛି । ଏଥିପାଇଁ ବରଗଡ଼ ହାଟପା ପ୍ରଦର୍ଶନ ସ୍ଥଳରେ ଶୁଭ ସ୍ତଂଭ ସ୍ଥାପନ ପୂର୍ବକ ପୂଜା ସଂପର୍ନ୍ନ ହୋଇଛି ।
ବରଗଡ଼ ଜିଲ୍ଲାପାଳ ଭାବଗ୍ରାହୀ ମିଶ୍ର ପୂଜା କର୍ତା ରୂପେ ଦାୟିତ୍ୱ ସଂପର୍ନ୍ନ କରିଛନ୍ତି । ପୂଜା ପୂର୍ବରୁ ସମଲେଶ୍ୱରୀ ମନ୍ଦିର ଠାରୁ ଘଟ ଶୋଭାଯାତ୍ରା ବାହାରି ସ୍ତଂଭ ସ୍ଥାପନ କରାଯାଇଥିଲା । ଧନୁଯାତ୍ରା ପାଇଁ ଚଳିତ ମାସ ୩୦ତାରିଖକୁ ଧାର୍ଯ୍ୟ ହୋଇଛି ।
ଏହା ପରବର୍ତ୍ତୀ ୧୧ଦିନ ପାଇଁ ଚାଲିବ । ୧୧ଦିନର ଏହି ଯାତ୍ରା ପରିଚଳନା ପାଇଁ ଦୀର୍ଘ ବର୍ଷ ହେଲା
ରହିଥିବା ବ୍ୟକ୍ତି ବିଶେଷ ପୁଣି ଥରେ ତତ୍ପର ହୋଇପଡ଼ିଛନ୍ତି । ମହାରାଜ କଂସ ମଧ୍ୟ ୧୧ଦିନ ଶାସନ
କରି ଲୋକଙ୍କୁ ମନୋରଂଜନ ର ଖୁରାକ୍ ଯୋଗାଇଦେବେ ବୋଲି ପ୍ରସ୍ତୁତ ହେଉଥିବା ଜଣାଯାଇଛି ।
ଓଡ଼ିଶା ଡ଼ଟ୍ କମ୍
