ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କେନ୍ଦୁଝର, ଡ଼ିସେମ୍ବର ୯(ଓଡ଼ିଶା ଡ଼ଟ୍ କମ୍) ରାଜ୍ୟରେ ହୋଇଥିବା ଖଣି ଦୁର୍ନୀତି ଅଭିଯୋଗର ତଦନ୍ତ ପାଇଁ ଆସିଥିବା ଏମ୍.ବି.ଶାହା କମିଶନ ଶୁକ୍ରବାର କେନ୍ଦୁଝରରେ ଖଣି ଅଂଚଳ ପରିଦର୍ଶନ କରିଛନ୍ତି ।
ଶାହାଙ୍କ ନେତୃତ୍ୱରେ ଆସିଥିବା ଏହି ୮ ଜଣିଆ ପ୍ରତିନିଧି ଦଳ ପ୍ରଥମେ ଇନ୍ଦ୍ରାଣୀ ପଟ୍ଟନାୟକ ଖଣି ଅଂଚଳରେ ଅନୁଧ୍ୟାନ କରିବା ପରେ ପିଏମ୍ପିଏଲ୍ ଖଣି ଅଂଚଳ ବୁଲି ଦେଖିଛନ୍ତି ।
ପରେ ଏହି ଦଳ ରୁଙ୍ଗ୍ଟା ଖଣି ପରିଦର୍ଶନ କରି ମାମଲା ରାୟ ଖଣି ଅଂଚଳକୁ ଯାଇ ଅନୁଧ୍ୟାନ କରିଥିଲେ । ପ୍ରତିନିଧି ଦଳ ସହ କେନ୍ଦୁଝର ଏସ୍ପି ଆଶିଷ କୁମାର ସିଂ,ଜିଲ୍ଲାପାଳ,ବନଖଣ୍ଡ ଅଧିକାରୀ ଓ ଜଙ୍ଗଲ ବିଭାଗର ବରିଷ୍ଠ ଅଧିକାରୀ ମାନେ ସାମିିଲ ହୋଇଛନ୍ତି ।
୯ ଓ ୧୦ ତାରିଖଦୁଇଦିନ ଧରି କମିଶନ କେନ୍ଦୁଝର ଜିଲ୍ଲା ଯୋଡ଼ା, ବଡ଼ବିଲ ଏବଂ ସୁନ୍ଦରଗଡ଼ ଜିଲ୍ଲାର କୋଇଡ଼ା ଖଣି ଅଂଚଳ ଅନୁଧ୍ୟାନ କରିବାର କାର୍ଯ୍ୟକ୍ରମ ରହିଛି ।
ଓଡ଼ିଶା ଡ଼ଟ୍ କମ୍
