ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ରାଉରକେଲା, ଡ଼ିସେମ୍ବର ୧୧(ଓଡ଼ିଶା ଡ଼ଟ୍ କମ୍) ରାଉରକେଲାର ତିନି ଜଣ ଛାତ୍ରଛାତ୍ରୀ
ନୂଆଦିଲ୍ଲୀରେ ଅନୁଷ୍ଠିତ ଆଇଆଇଏମ୍ଟି ଅକ୍ସଫୋର୍ଡ଼ ବ୍ରୋକ୍ସ ଇନୋଭେସନ ଚ୍ୟାଲେଞ୍ଜ ପ୍ରତିଯୋଗିତାରେ ଅଂଶଗ୍ରହଣ କରି କୃତିତ୍ୱ ହାସଲ କରିଛନ୍ତି ।
ଦୀପିକା ଇଂରାଜୀ ମାଧ୍ୟମବିଦ୍ୟାଳୟର ଦ୍ୱାଦଶ ଶ୍ରେଣୀର ମହମ୍ମଦ ଜିସାନ୍ ସିଦ୍ଦିକ, ଶୁଭାଙ୍ଗୀ ରାଉତ
ଏବଂ ପ୍ରଜ୍ୟେତି ଆଦ୍ୟାଶା ଦାସ “ମ୍ୟାନେଜିଂ ଟେରୋରିଜିମ୍ ଇନ୍ ଇଣ୍ଡିଆ’ ଶୀର୍ଷକ ପ୍ରକଳ୍ପ ଉପସ୍ଥାପନ କରି ପ୍ରଥମ ସ୍ଥାନ ଅଧିକାର କରିଛନ୍ତି ।
ବିଭିନ୍ନ ସମସ୍ୟାର ସମ୍ମୁଖିନ ଉପରେ ଯୁବଗୋଷ୍ଠୀଙ୍କୁ ସେମାନଙ୍କର ସୃଜନଶୀଳ ଚିନ୍ତାଧାରାକୁ ବ୍ୟକ୍ତ
କରିବା ନିମନ୍ତେ ଏକ ମଂଚ ସୃଷ୍ଟି କରିବା ପାଇଁ ଇନ୍ଷ୍ଟିଚ୍ୟୁଟ୍ ଫର୍ ଇଂଟରନ୍ୟାସନାଲ ମ୍ୟାନେଜମେଂଟ ଆଣ୍ଡ ଟେକ୍ନୋଲୋଜି ଏବଂ ଅକ୍ସଫୋର୍ଡ଼ ୟୁନିଭରସିଟି ପକ୍ଷରୁ ଏହି ପ୍ରତିଯୋଗିତାର ଆୟୋଜନ କରାଯାଇଥିଲା ।
ସମଗ୍ର ଦେଶରୁ ୧୨୨ଟି ଦଳ ସେମାନଙ୍କର ପ୍ରବନ୍ଧ ଉପସ୍ଥାପନ କରିଥିଲେ ଏବଂ ସେମାନଙ୍କ ମଧ୍ୟରୁ
୧୫ଟିକୁ ନୂଆଦିଲ୍ଲୀରେ ଅନୁଷ୍ଠିତ ଚୂଡ଼ାନ୍ତ ରାଉଣ୍ଡରେ ସେମାନଙ୍କର ପରିକଳ୍ପନାକୁ ଉପସ୍ଥାପନ ପାଇଁ ସୁଯୋଗ ଦିଆଯାଇଥିଲା ।
କୃତୀ ଛାତ୍ରଛାତ୍ରୀ ମାନଙ୍କୁ ଏକ ଉତ୍ସବରେ ରାଉରକେଲା ଇସ୍ପାତ କାରଖାନାର ମୁଖ୍ୟ ନିର୍ବାହୀ ଅଧିକାରୀ ଜି.ଏସ୍.ପ୍ରସାଦ ସମ୍ମାନୀତ କରିଛନ୍ତି ।
ଓଡ଼ିଶା ଡ଼ଟ୍ କମ୍
