ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଡ଼ିସେମ୍ବର ୧୪(ଓଡ଼ିଶା ଡ଼ଟ୍ କମ୍) ଜଣେ ପୂର୍ବତନ ଆଇଏଏସ୍ ଅଧିକାରୀଙ୍କ ବାଜ୍ୟାପ୍ତ ଘରେ ବୁଧବାର ନର୍ସରୀ ଏବଂ ଚାଷୀ ତାଲିମ କେନ୍ଦ୍ର ଖୋଲାଯାଇଛି ।
ଭିଜିଲାନ୍ସ କୋର୍ଟଙ୍କ ନିର୍ଦ୍ଦେଶ କ୍ରମେ ଅବସରପ୍ରାପ୍ତ ଆଇଏଏସ୍ ରମେଶ ଚନ୍ଦ୍ର ବେହେରାଙ୍କ ଗଞ୍ଜାମ ଜିଲ୍ଲା ରଙ୍ଗେଇଲୁଣ୍ଡା ବ୍ଲକରେ ଥିବା ପ୍ରାୟ ୨.୬ ଏକର ଜମିକୁ ସରକାର ଦଖଲକୁ ନେଇଛନ୍ତି
ଏହି ଜମିରେ ଏକ କୋଠାଘର ଏବଂ ଫାର୍ମ ହାଉସ୍ ଥିଲା । ଏହି କୋଠା ଘରକୁ ଚାଷୀ ତାଲିମ କେନ୍ଦ୍ର ଓ ଫାର୍ମ ହାଉସ୍କୁ ଉଦ୍ୟାନ କୃଷି ନର୍ସରୀ ଭାବେ ବ୍ୟବହାର କରିବାକୁ ସରକାର ନିଷ୍ପତି ନେଇଛନ୍ତି ।
ଆଜି ଏଠାରେ ଚାଷୀ ଭାଇଭଉଣୀ ମାନଙ୍କ ପାଇଁ ଏକ ତାଲିମ କାର୍ଯ୍ୟକ୍ରମର ଆୟୋଜନ କରାଯାଇଥିଲା ଓ ଏଥିରେ ପ୍ରାୟ ତିନି ଶହ ଚାଷୀ ଯୋଗ ଦେଇଥିଲେ ।
ପୂର୍ବରୁ ଗତ ମାସରେ ଭିଜିଲାନ୍ସ ଦ୍ୱାରାଦଣ୍ଡିତ ପୂର୍ବତନ ଆଇଏଏସ୍ ସଂଜୀବ ରାୟଙ୍କ ବାଜ୍ୟାପ୍ତ ଘରେ ସରକାରୀ ହୋମିଓପ୍ୟାଥି ଡ଼ିସ୍ପେନ୍ସାରୀ ଖୋଲାଯାଇଥିଲା ।
ଓଡ଼ିଶା ଡ଼ଟ୍ କମ୍
