ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡ଼ିସେମ୍ବର ୧୪(ଓଡ଼ିଶା ଡ଼ଟ୍ କମ୍) ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ
ରାଜ୍ୟରେ ବୁଧବାର ଠାରୁ ଇ-ବ୍ଲଡ୍ବ୍ୟାଙ୍କ ସେବା ଆରମ୍ଭ କରାଯାଇଛି ।
ଏ ପ୍ରକାର ସେବା ଆରମ୍ଭ କରିବାରେ ଓଡିଶା ଦେଶର ପ୍ରଥମ ରାଜ୍ୟ ବୋଲି ଏହାର ଉଦଘାଟନ କରି
ସ୍ୱାସ୍ଥ୍ୟମନ୍ତ୍ରୀ ମନ୍ତ୍ରୀ ପ୍ରସନ୍ନ ଆଚାର୍ଯ୍ୟ କହିଛନ୍ତି ।
ଏହି ସେବା ମାଧ୍ୟମରେ ରକ୍ତ ଆବଶ୍ୟକ କରୁଥିବା ରୋଗୀ ତଥା ଜନସାଧାରଣ ସେମାନେ ଆବଶ୍ୟକ
ଅନୁଯାୟୀ ରକ୍ତ ରାଜ୍ୟର ଯେ କୌଣସି ରକ୍ତଭଣ୍ଡାରରେ ଉପଲବ୍ଧି ସଂପର୍କରେ ତୁରନ୍ତ ଜାଣି ପାରିବେ ।
ୱେବ୍ ସାଇଟ , ଟୋଲ ଫ୍ରି ଟେଲିଫୋନ କିମ୍ବା ଏସ୍ଏମ୍ଏସ୍ ମାଧ୍ୟରେ ସାଧାରଣ ଲୋକ ମାତ୍ର କେତେ ସେକେଣ୍ଡ ମଧ୍ୟରେ ରକ୍ତ ମହଜୁତ ସଂପର୍କରେ ସୂଚନା ପାଇ ପାରିବେ ।
ରାଜ୍ୟ ରକ୍ତ ସଞ୍ଚାଳନ କାଉନସିଲ୍ ଏବଂ ଏଡସ୍ ନିୟନ୍ତ୍ରଣ ସମିତି ତରଫରୁ ଜାତୀୟ ଗ୍ରାମୀଣ ସ୍ୱାସ୍ଥ୍ୟମିଶନ ସହାୟତାରେ ଏହି ଅନ-ଲାଇନ୍ ମନିଟରିଂ ବ୍ୟବସ୍ଥା କରାଯାଇଛି ।
ରାଜ୍ୟରେ ଥିବା ଭାରତୀୟ ରେଡ୍କ୍ରସର ୫୬ ଟି ସମେତ ମୋଟ ୮୦ଟି ରକ୍ତ ଭଣ୍ଡାର ସଂପର୍କରେ
ସୂଚନା ମିଳିପାରିବ ।
ନିକଟ ଭବିଷ୍ୟତରେ ସରକାରୀ ଡାକ୍ତରଖାନା ମାନଙ୍କୁ ଯୋଗାଇ ଦିଆଯାଉଥିବା ଔଷଧ ,ଔଷଧ
ଉପଲବ୍ଧି ଆଦି ସଂପର୍କରେ ସାଧାରଣ ଲୋକ ଜାଣିବା ପାଇଁ ସୂଚନା ପରିଚାଳନା ବ୍ୟବସ୍ଥା କାର୍ଯ୍ୟକାରୀ କରାଯିବ ବୋଲି ବିଭାଗୀୟ ସଚିବ ଅନୁ ଗର୍ଗ କହିଛନ୍ତି ।
ଓଡ଼ିଶା ଡ଼ଟ୍ କମ୍
