ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡ଼ିସେମ୍ବର୧୫(ଓଡ଼ିଶା ଡ଼ଟ୍ କମ୍) ବ୍ରିଟିଶ ସରକାରଙ୍କ ସାଂସଦ ତଥା ବିଦେଶ ମନ୍ତ୍ରୀ ଆଣ୍ଡ୍ରୁ ମିସେଲଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଗୁରୁବାର କିସ୍ ପରିଦର୍ଶନ କରିଛନ୍ତି ।
ଏମାନଙ୍କ ମଧ୍ୟରେ ଭାରତରେ ଅବସ୍ଥାପିତ ବ୍ରିଟିଶ ହାଇକମିଶନ ଜେମ୍ସ ବେଭାନ୍ , ଡ଼ିଏଫ୍ଆଇଡ଼ି (ଭାରତ)ର ମୁଖ୍ୟ ଶାମ୍ ସ୍ରାଫ୍ ଏବଂ କେନ୍ଦ୍ର ପ୍ରଯୁକ୍ତିବିଦ୍ୟା ଓ ମାନବ ସମ୍ବଳ ମନ୍ତ୍ରୀ କପିଳ ସିବଲଙ୍କ ପତ୍ନୀ ପ୍ରମିଳା ସିବଲ ପ୍ରମୁଖ ପରିଦର୍ଶନ କରିଛନ୍ତି ।
କିସ୍ ପରିସରରେ ପ୍ରାୟ ୧୫୦୦୦ ଛାତ୍ରଛାତ୍ରୀଙ୍କ ସହ କଥାବାର୍ତା ହେବା ସମୟରେ””ଏହିଅନୁଷ୍ଠାନରେ ଅଧାରୁ ଅଧିକ ହେଲେ ଛାତ୍ରୀ । ବ୍ରିଟେନ୍ ଓ ଭାରତ ଉଭୟ ଦେଶ ଶିକ୍ଷା କ୍ଷେତ୍ରରେ ଅଗ୍ରଗତି କରୁଛନ୍ତି ।
ଏହି ଅନୁଷ୍ଠାନର ପ୍ରତିଷ୍ଠାତା ଡ଼. ଅଚ୍ୟୁତ ସାମନ୍ତଙ୍କ ଭୁୟସୀ ପ୍ରଶଂସା କରିବା ସହ ଆଜିଯାଏଁ ଏଭଳି ମଣିଷ ସେ ଦେଖି ନାହାନ୍ତି”ଆଣ୍ଡ୍ରୁ ମିସେଲ ମନ୍ତବ୍ୟ ଦେଇଥିଲେ ।
କିସ୍ ଆଦିବାସୀ ଛାତ୍ରଛାତ୍ରୀଙ୍କୁ ଆଣି ଶିକ୍ଷିତ କରାଇ ସମାଜର ମୁଖ୍ୟ ସ୍ରୋତରେ ସାମିଲ
କରାଉଛି”ବେଭାନ କହିଥିଲେ । ଏହା ବେଭାନଙ୍କର “କିସ୍’ କୁଦ୍ୱିତୀୟ ଥର ପରିଦର୍ଶନ । ସେ ଏହା
ପୂର୍ବରୁ ଅକ୍ଟୋବର ମାସରେ ଆସିଥିଲେ ।
ଡ଼ିଏଫ୍ଆଇଡ଼ି ସହାୟତାରେ ଓଡ଼ିଶାରେ କୃଷି,ପ୍ରାଥମିକ ଶିକ୍ଷା ଏବଂ ଶିଶୁ ଓ ମାତୃ ସ୍ୱାସ୍ଥ୍ୟ ସମ୍ବନ୍ଧିତ ବିଭିନ୍ନ କାର୍ଯ୍ୟକ୍ରମ ଚାଲିଥିବା ବିଷୟରେ ସେ ସୂଚନା ଦେଇଥିଲେ ।
ଛାତ୍ରଛାତ୍ରୀଙ୍କ ଗହଣରେ କିଛି ସମୟ ବତାଇବା ପରେ ଶିକ୍ଷା ଅଧିକାର ଆଇନ ଉପଯୁକ୍ତ ଭାବେ
ଏହିଠାରେ କାର୍ଯ୍ୟକାରୀ ହେଉଛି ଶ୍ରୀମତି ସିବଲ କହିଥିଲେ । ଶେଷରେ ପରିଦର୍ଶନରେ ଆସିଥିବା
ସମସ୍ତ ଅତିଥିଙ୍କୁ ଡ଼.ସାମନ୍ତ ଧନ୍ୟବାଦ ଅର୍ପଣ କରିଥିଲେ ।
ଓଡ଼ିଶା ଡ଼ଟ୍ କମ୍
