ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ମାଲକାନଗିରି,ଡ଼ିସେମ୍ବର ୨୦(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ମାଓବାଦୀଙ୍କ ଏକ ଅସ୍ଥାୟୀ କ୍ୟାମ୍ପରେ ମଙ୍ଗଳବାର ଚଢାଉ କରି ପୋଲିସ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଓ କାଗଜପତ୍ର ଜବତ କରିଛି ।
କୌଣସି ସୂତ୍ରରୁ ଖବର ପାଇ ବିଏସ୍ଏଫ୍, ଏସ୍ଓଜି ଏବଂ ପୋଲିସ ବାହୀନୀ ମୁୁଲିପଡ଼ା ଅଂଚଳର ଖାଲଗୁଡ଼ା ଗାଁ ନିକଟରେ ଥିବା କ୍ୟାମ୍ପରେ ଚଢାଉ କରି ବିସ୍ଫୋରକ ସାମଗ୍ରୀ ଜବତ କରିଥିବା ଜଣେ ଅଧିକାରୀ କହିଛନ୍ତି ।
ତେବେ ଚଢାଉ ବିଷୟରେ ଖବର ପାଇ ସେଠାରେ ଥିବା ମାଓବାଦୀମାନେ ଘଟଣାସ୍ଥଳରୁ ଫେରାର୍ ହୋଇଯାଇଥିଲେ ।
ସୁରକ୍ଷାକର୍ମୀମାନେ ସେଠାରୁ ୯୮ଟି ଇଲେକ୍ଟ୍ରୋନିକ୍ ଡ଼ିଟୋନେଟର, ୨୪ଟି ଜିଲାଟିନ୍ ଷ୍ଟିକ୍, କେତେକ ବିସ୍ଫୋରକ ସାମଗ୍ରୀ, ଲ୍ୟାଣ୍ଡମାଇନ ପାଇଁ ବ୍ୟବହୃତଦୁଇଟି ଡ଼୍ରମ୍ ଏବଂ ତିନୋଟି ଟିଫିନ୍ ବୋମା ଜବତ କରିଛନ୍ତି ।
ଏହାସହ କୋରାପୁଟ ଜିଲ୍ଲାର ଏକ ମାନଚିତ୍ର୍, ଓଡ଼ିଆ ଓ ତେଲୁଗୁ ଭାଷାରେ ଲେଖାଯାଇଥିବା ପ୍ରଚାରପତ୍ର, ପୋଷ୍ଟର, ବ୍ୟାନର, କ୍ୟାମେରା ଏବଂଦୁଇଟି ରେଡ଼ିଓ ଜବତ କରିଥିବା ସେ କହିଛନ୍ତି ।
ଓଡ଼ିଶା ଡ଼ଟ୍ କମ୍