ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ପୁରୀ, ଡ଼ିସେମ୍ବର ୨୪(ଓଡ଼ିଶା ଡ଼ଟ୍ କମ୍) ବଡ଼ଦିନ ପାଳନ ଅବସରରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଶନିବାର ପୁରୀ ବେଳାଭୂମିରେ ବାଲିରେ ବିଶ୍ୱର ବୃହତମ ସାନ୍ତାକ୍ଲଜ ତିଆରି କରିଛନ୍ତି ।
୩୫ ଫୁଟ୍ ଉଚ୍ଚର ଏହି ବାଲୁକା ପ୍ରତିମୂର୍ତିରେ ସୁଦର୍ଶନ “”ଶାନ୍ତି ଓ ସମୃଦ୍ଧି ଏବଂ ସ୍ୱାସ୍ଥ୍ୟ ଓ ସୁଖ” ବାର୍ତା ଉଲ୍ଲେଖ କରିଛନ୍ତି ।
ଗତ ୨୨ ତାରିଖରୁ ତାଙ୍କ ଦ୍ୱାରାପରିଚାଳିତ ବାଲୁକା କଳା ଅନୁଷ୍ଠାନର ୧୫ ଜଣ ଛାତ୍ରଛାତ୍ରୀଙ୍କ ସହ ଏହି କଳାକୃତି ତିଆରି କରିଥିବା ସୁଦର୍ଶନ କହିଛନ୍ତି ।
“”୧୮୦୦ ଟନ୍ ବାଲିରେ ନିର୍ମିତ ଏହି କଳାକୃତି ପାଇଁ ପ୍ରତିଦିନ ଆମେ ୧୨ ଘଣ୍ଟା ପରିଶ୍ରମ କରିଛୁ”
ସେ କହିଛନ୍ତି । ଏହାସହ ବେଳାଭୂମିରେ ଯୀଶୁ ଖ୍ରୀଷ୍ଟ ଏବଂ ମର ମେରୀଙ୍କ ବାଲୁକା କଳାକୃତି ମଧ୍ୟ
ତିଆରି କରାଯାଇଛି ।
ଲିମ୍କା ବୁକ୍ ଅଫ୍ ୱାର୍ଲ୍ଡ ରେକର୍ଡ଼ କର୍ତୃପକ୍ଷଙ୍କ ଠାରୁ ଅନୁମତି ମିଳିବା ପରେ ବିଶ୍ୱର ବୃହତ୍ ସାନ୍ତାକ୍ଲଜ ତିଆରି କରିବାକୁ ଯୋଜନା କରିଥିବା ସୁଦର୍ଶନ କହିଛନ୍ତି ।
ସୁଦର୍ଶନ ୪୭ରୁ ଅଧିକ ଅନ୍ତର୍ଜାତୀୟ ବାଲୁକା କଳା ପ୍ରତିଯୋଗିତାରେ ଅଂଶଗ୍ରହଣ କରି ଦେଶ ପାଇଁ ବହୁ ପୁରସ୍କାର ହାସଲ କରିଛନ୍ତି । ଗତ ବର୍ଷ ମଧ୍ୟ ସେ ସବୁଜ ବାଲିରେ ସାନ୍ତାକ୍ଲଜ ତିଆରି କରିଥିଲେ ।
ଓଡ଼ିଶା ଡ଼ଟ୍ କମ୍
