ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଚିଲିକା, ଡ଼ିସେମ୍ବର ୩୦(ଓଡ଼ିଶା ଡ଼ଟ୍ କମ୍) ପଡ଼ୋଶୀ ରାଜ୍ୟ ଝାଡ଼ଖଣ୍ଡରେ ବାର୍ଡ଼ ଫ୍ଲୁର ସନ୍ଧାନ ମିଳିବା ପରେ ଓଡ଼ିଶାରେ ସତର୍କତା ଅବଲମ୍ବନ କରାଯାଇଛି ।
ଖୋର୍ଦ୍ଧା ଜିଲ୍ଲା ଚିଲିକା ହ୍ରଦରେ ବିଦେଶାଗତ ପକ୍ଷୀଙ୍କ ସମାଗମ ହୋଇଥିବାରୁ ଏହାକୁ ଦୃଷ୍ଟିରେ ରଖି ବ୍ୟାପକ ସତର୍କତା ଗ୍ରହଣ କରାଯାଇଥିବା ଶୁକ୍ରବାର ଜଣେ ଅଧିକାରୀ କହିଛନ୍ତି ।
ଚିଲିକାରେ ମରିଯାଇଥିବା ଗୋଟିଏ ପକ୍ଷୀର ରକ୍ତ ନମୂନା ପରୀକ୍ଷା ପାଇଁ ଭୋପାଲ ପଠାଯାଇଥିବା ବେଳେ ଅନ୍ୟ ୬୨ଟି ପକ୍ଷୀର ରକ୍ତ ଓ ମଳ ନମୂନା ପରୀକ୍ଷା ପାଇଁ କଲିକତା ପଠାଯାଇଥିବା ସେ କହିଛନ୍ତି ।
ବର୍ତମାନ ଚିଲିକାହ୍ରଦରେ ସାତ ଲକ୍ଷରୁ ଉଦ୍ଧ୍ୱର୍ ବିଦେଶାଗତ ପକ୍ଷୀଙ୍କ ସମାଗମ ହୋଇଛି । ଗତ
ସୋମବାର ଏକ ପକ୍ଷୀର ମୃତ ଦେହ ମିଳିବା ପରେ ଏନେଇ ପ୍ରଶାସନିକ ସ୍ତରରେ ତତ୍ପରତା ପ୍ରକାଶ
ପାଇଛି ।
ଗତ ନଭେମ୍ବର ମାସରେ ଜାମସେପୁରରେ ବହୁତ ଗୁଡ଼ିଏ କାଉଙ୍କ ବାର୍ଡ଼ ଫ୍ଲୁରେ ମୃତ୍ୟୁ ହୋଇଥିବା ଜଣାପଡ଼ିବା ପରେ ପଡ଼ୋଶୀ ରାଜ୍ୟ ଗୁଡ଼ିକ ସତର୍କ ରହିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଥିଲେ ।
ଓଡ଼ିଶା ଡ଼ଟ୍ କମ୍
