ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜାନୁୟାରୀ ୧୨(ଓଡ଼ିଶା ଡ଼ଟ୍ କମ୍) ରାଜ୍ୟରେ ମିଳୁଥିବା ଓମ୍ଫେଡ଼୍ ସମେତ ଅନ୍ୟାନ୍ୟ ପ୍ୟାକେଟ କ୍ଷୀର ପ୍ରଦୂଷିତ ବୋଲି ଅଭିଯୋଗ ଆସିବା ପରେ ସେଗୁଡ଼ିକର ମାନ ପରୀକ୍ଷଣ ପାଇଁ ସରକାର ନିଷତି ନେଇଛନ୍ତି ।
ଓଡ଼ିଶାର କ୍ଷୀର ଶତପ୍ରତିଶତ ପ୍ରଦୂଷିତ ଥିବା ଫୁଡ଼୍ ସେଫ୍ଟି ଆଣ୍ଡ ଷ୍ଟାଣ୍ଡାର୍ଡ଼ ଅଥରିଟି ଅଫ୍ ଇଣ୍ଡିଆ(ଏଫ୍ଏସ୍ଏସ୍ଏଆଇ) ରିପୋର୍ଟ ଦେବା ପରେ ପରୀକ୍ଷଣ ପାଇଁ ରାଜ୍ୟ ମତ୍ସ୍ୟ ଓ ପଶୁ ସମ୍ପ ବିଭାଗ ପକ୍ଷରୁ ଏହି ଘୋଷଣା କରାଯାଇଛି ।
ତେବେ କେଉଁ ନମୁନା ସଂଗ୍ରହ କରାଯାଇ ଏହି ପରୀକ୍ଷା କରାଯାଇଛି ସେ ସମ୍ପର୍କରେ ସମ୍ପୃକ୍ତ ସଂସ୍ଥା ଠାରୁ ସ୍ପଷ୍ଟୀକରଣ ମଗାଯାଇଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ।
ଜାତୀୟ ହାର ଠାରୁ ଓଡ଼ିଶା ସମେତ ପଶ୍ଚିମବଙ୍ଗ ଓ ବିହାରରେ ଉତ୍ପାଦିତ କ୍ଷୀର ସର୍ବାଧିକ ପ୍ରଦୂଷିତ
ବୋଲି ଅଭିଯୋଗ ହୋଇଛି । ପ୍ୟାକେଟ କ୍ଷୀର ଓ ଦୁଗ୍ଧ ଚାଷୀମାନେ ଯୋଗାଉଥିବା କ୍ଷୀର ମଧ୍ୟ ପ୍ରଦୂଷିତ ହୋଇଥିବା ଅଭିଯୋଗ ହୋଇଛି ।
ଏହି କ୍ଷୀରରେ ପାଣି ଓ ରାସାୟନିକ ପଦାର୍ଥ ମାତ୍ରାଧିକ ଥିବା ଉକ୍ତ ସଂସ୍ଥା ଦଇଥିବା ରିପୋର୍ଟରେ
କୁହାଯାଇଛି । ତେବେ ଯାଂଚ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଅଧିକାରୀ ଜଣକ କହିଛନ୍ତି ।
ଓଡ଼ିଶା ଡ଼ଟ୍ କମ୍
