ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜାନୁୟାରୀ ୨୦(ଓଡ଼ିଶା ଡ଼ଟ୍ କମ୍) ବହୁ ଚର୍ଚ୍ଚିତ ପିପିଲି ଗଣବଳାତ୍କାର ଘଟଣା ସିବିଆଇ ତଦନ୍ତ ଦାବି କରି ରାଜ୍ୟର ଅଗ୍ରଣୀ ମହିଳା ସଂଗଠନ ଉତ୍କଳ ମହିଳା ସମିତି ପକ୍ଷରୁ ମୁଖ୍ୟମନ୍ତ୍ରୀଙ୍କୁ ପତ୍ର ଦିଆଯାଇଛି ।
ଓଡ଼ିଶା ପରି ଏକ ସଂସ୍କୃତି ସଂପନ୍ନ ରାଜ୍ୟରେ ନାରୀ ମାନଙ୍କ ପ୍ରତି ଏପରି ନୃଶଂସ ବର୍ବର ଘଟଣାର ତୀବ୍ର ନିନ୍ଦା କରାଯାଇଛି । ରାଜନୈତିକ ଛତ୍ରଛାୟା ତଳେ ଏହି ବ୍ୟକ୍ତିମାନେ ଏଭଳି ଅମାନୁଷିକ କାଣ୍ଡ କରୁଛନ୍ତି ବୋଲି ପତ୍ରରେ ଦର୍ଶାଯାଇଛି ।
ତେଣୁ ଘଟଣାର ସିବିଆଇ ତଦନ୍ତ, ଏଭଳି ଘଟଣା କରୁଥିବା ବ୍ୟକ୍ତିଙ୍କ ପ୍ରତି ଦଣ୍ଡ ବିଧାନ, ସଂପୃକ୍ତ ପୋଲିସ ଅଧିକାରୀଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଏବଂ ପୀଡ଼ିତାଙ୍କୁ ଉଚିତ୍ ନ୍ୟାୟ ଦେବାକୁ ସେମାନେ ଦାବି କରିଛନ୍ତି ।
ଓଡ଼ିଶା ଡ଼ଟ୍ କମ୍
