‘ଶୀତୁଆ ସକାଳରେ ଜୀବନ’ ଫଟୋ ପ୍ରଦର୍ଶନୀ

ଓଡ଼ିଶା ଡ଼ଟ୍ କମ୍:ଆଶିଷ ସେନାପତି

କେନ୍ଦ୍ରାପଡ଼ା,ଜାନୁୟାରୀ୨୭(ଓଡ଼ିଶା ଡ଼ଟ୍ କମ୍) କେନ୍ଦ୍ରାପଡ଼ା ସହରରେ ଇଭେଣ୍ଟ୍ ମ୍ୟାନେଜରଙ୍କ ଦ୍ୱାରାଟାଉନ ହଲ୍ଠାରେ ଏକଦୁଇିନିଆ ଫଟୋ ପ୍ରଦର୍ଶନୀ ଅନୁଷ୍ଠିତ ହୋଇଛି ।

ଏହି ପ୍ରଦର୍ଶନୀରେ ଦଶଜଣ ଫଟୋଗ୍ରାଫର୍ ସେମାନଙ୍କର ବିଭିନ୍ନ ଫଟୋ ପ୍ରଦର୍ଶିତ କରିଛନ୍ତି । ଏହି ପ୍ରଦର୍ଶନୀର ବିଷୟବସ୍ତୁ””ଆନ୍ ଆସ୍ପେକ୍ଟଟ୍ ଅଫ୍ ଲାଇଫ୍ ଇନ୍ ୱିନ୍ଟର୍” ରଖାଯାଇଛି । ଏଠାରେ ଉଭୟ ରଙ୍ଗୀନ ଓ କଳାଧଳା ପ୍ରାୟ ୨୩୦ଟି ଫଟୋ ପ୍ରଦର୍ଶିତ କରାଯାଇଛି ।

ସେଗୁଡ଼ିକର ବିଷୟବସ୍ତୁ ମୁଖ୍ୟତଃ ଶୀତୁଆ ସକାଳରେ ଗ୍ରାମାଂଚଳର ଦୃଶ୍ୟ,ସୂର୍ଯ୍ୟ ଉଦୟ ଓ ଅସ୍ତ
ସମୟର ଫଟୋ,ଗୋଧୂଳି ସମୟରେ ଗାଇମାନଙ୍କର ଗୋଠକୁ ଫେରିବା ସମୟର ଫଟୋ,ଭିତର
କନିକାର କୁମ୍ଭୀର,ହରିଣ,ହେନ୍ତାଳ ବଣ ଫଟୋ ଇତ୍ୟାଦି ସ୍ଥାନିତ କରାଯାଇଛି ।

ପ୍ରତ୍ୟେକ ଫଟୋ ତଳେ ଫଟୋଗ୍ରାପରଙ୍କ ନାମ ଉଲ୍ଲେଖ କରାଯାଇଛି । ଏହି ପ୍ରଦର୍ଶନୀକୁ ବି.କେ.କଲେଜ ଅଫ୍ ଆର୍ଟସର ଅଧ୍ୟକ୍ଷ ବଳଦେବ ମହାରଥୀ,ଶିଳ୍ପୀ ସୁରେଶ ବଳବନ୍ତରାୟ,ନ୍ୟାସ୍ନାଲ୍ ଇନଷ୍ଟିଚ୍ୟୁଟ୍ ଅଫ୍ ଫ୍ୟାସନ ଟେକ୍ନୋଲୋଜିର ଡ଼.ବିନୟ କୁମର ଜେନା ପ୍ରମୂଖ ବୁଲି ଦେଖିଥିଲେ ।

ଓଡ଼ିଶା ଡ଼ଟ୍ କମ୍