ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜାନୁୟାରୀ ୨୮(ଓଡ଼ିଶା ଡ଼ଟ୍ କମ୍) ଦଳ ବିରୋଧୀ କାର୍ଯ୍ୟ ଯୋଗୁଁ ବିଜୁ ଜନତା ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳର ୧୩ ଜଣଙ୍କୁ ନିଲମ୍ବନ କରିଛନ୍ତି ।
ସଂପୃକ୍ତ ବ୍ୟକ୍ତିମାନେ ଆସନ୍ତା ପଞ୍ଚାୟତ ନିର୍ବାଚନରେ ଟିକେଟ ନପାଇ ଦଳୀୟ ପ୍ରାର୍ଥୀଙ୍କ ବିରୁଦ୍ଧରେ ସ୍ୱାଧିନ ପ୍ରାର୍ଥୀଭାବେ ଛିଡ଼ା ହୋଇଥିଲେ ।
ନିଲମ୍ବିତ ହୋଇଥିବା ବ୍ୟକ୍ତିମାନେ ହେଲେ ରାଜନଗର ବ୍ଲକର ଜଗନ୍ନାଥ ଦାସ, ଜୋନ୍ ନଂ ୩୦ର ଅନ୍ନର୍ଣ୍ଣ ରାଉତରାୟ, ବଲାଙ୍ଗୀର ଜିଲ୍ଲା ପରିଷଦ ଜୋନ୍ ନଂ ୭ର ପ୍ରଦୀପ ସାହୁ, ଜୋନ୍ ନଂ ୯ର ଜଇରାମ ଚନ୍ଦନ, ଜୋନ୍ ନଂ ୩୦ର ଲିଲି ସାହୁ, ଜୋନ୍ ୩୦ର କନ୍ଦର୍ପ ବଗର୍ତୀ, ଜୋନ୍ ନଂ ୩୨ର ନେପାଳ ସୁନା ଓ ଜୋନ୍ ନଂ ୫ର ପ୍ରଭାସିନି ପ୍ରଧାନ ।
ନୟାଗଡ଼ ଜୋନ୍ ନଂ ୧୭ର ପାବନୀ ନାୟକ, ଖୋର୍ଦ୍ଧା ଜିଲ୍ଲା ପରିଷଦ ଜୋନ୍ ନଂ ୨୧ର ସୌମ୍ୟ ତ୍ରିପାଠୀ, ଜୋନ୍ ନଂ ୧୮ର ସି.ଏସ୍. ଦ୍ଵାରିକାନାଥ ଦାସ, ପଟ୍ଟାମୁଣ୍ଡାଇ ବ୍ଲକ୍ ଜୋନ୍ ନଂ ୧୬ର ଗଗନ ବିହାରୀ ବାରିକ ଏବଂ ଜୋନ୍ ନଂ୧୮ର ପ୍ରଦ୍ୟୁମ୍ନ କୁମାର ସାମନ୍ତରାୟ ।
ଓଡ଼ିଶା ଡ଼ଟ୍ କମ୍
