ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜାନୁୟାରୀ ୨୯(ଓଡ଼ିଶା ଡ଼ଟ୍ କମ୍) ଆଗାମୀ ତ୍ରିସ୍ତରୀୟ ପଂଚାୟତ ନିର୍ବାଚନ ପାଇଁ ପ୍ରଶେ କଂଗ୍ରେସ ପକ୍ଷରୁ ଇସ୍ତାହାର ପ୍ରକାଶ କରାଯାଇଥିବା ବେଳେ ରାଜ୍ୟର ୧୪ ମନ୍ତ୍ରୀଙ୍କ ବିରୁଦ୍ଧରେ ଦୁର୍ନୀତି ଅଭିଯୋଗ ଅଣାଯାଇଛି ।
ଦଳ ପକ୍ଷରୁ ସଭାପତି ନିରଂଜନ ପଟ୍ଟନାୟକ ଶନିବାର ଏହି ୧୬ ପୃଷ୍ଠା ବିଶିଷ୍ଟ ନିର୍ବାଚନ ଇସ୍ତାହାର
ପ୍ରକାଶ କରିଛନ୍ତି । ଇସ୍ତାହାରରେ ୨୬ଟି ଅଭିଯୋଗ ଅଣାଯାଇଛି ।
ଏମ୍ଜିଏନ୍ଆର୍ଇଜିଏ ଦୁର୍ନୀତି, ଡାଲି ଦୁର୍ନୀତି, ଖଣି ଦୁର୍ନୀତି ସହ ପିପିଲି ଗଣବଳାକ୍ରାର ଘଟଣା ଉପରେ ଚର୍ଚ୍ଚା କରାଯାଇଛି ।
ଅନାହାର ମୃତ୍ୟୁ, ପୋଲିସ ଅତ୍ୟାଚାର, ଚାଷୀ ଆତ୍ମହତ୍ୟା, ବେକାରୀ ସମସ୍ୟା, ସାଧାରଣ ବଂଟନ
ବ୍ୟବସ୍ଥାରେ ଅନିୟମିତତା, ଶିଶୁ ଭୃଣହତ୍ୟା, ଯୁବତୀ ଚାଲାଣ, କୁଜଙ୍ଗ ବାଣ ବିସ୍ଫୋରଣ, ମାଓବାଦୀ ହିଂସା ଓ ଆଇନ ଶୃଙ୍ଖଳା ପରିସ୍ଥିତି ନେଇ ସରକାରଙ୍କୁ ମାଲୋଚନା କରାଯାଇଛି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଖଣି ଦୁର୍ନୀତି ଓ ଜଙ୍ଗଲ ଆଇନ ଉଲ୍ଲଂଘନ ପାଇଁ ଦୋଷାରୋପ
କରାଯାଇଥିବା ବେଳେ ବିରଜା ମୂର୍ତି ଅଳବଳ ଓ ଜମି ହଡପରେ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡାଇ
ସଂଶ୍ଳିଷ୍ଟ ବୋଲି କୁହାଯାଇଛି ।
ସମବାୟ ମନ୍ତ୍ରୀ ପ୍ରଫୁଲ୍ଲ ସାମଲଙ୍କ ବିରୋଧରେ ଇଂଜିନିୟରିଂ କଲେଜ ଜମି ଦୁର୍ନୀତି ଅଭିଯୋଗ
ଅଣାଯାଇଛି । ମହିଳା ଓ ଶିଶୁ ବିକାଶ ମନ୍ତ୍ରୀ ଅଞ୍ଜଳି ବେହେରାଙ୍କୁ ବ୍ଲକ୍ ଅଧ୍ୟକ୍ଷ ହତ୍ୟାକାଣ୍ଡ ପାଇଁ ଦାୟୀ କରାଯାଇଛି ।
ରାଜସ୍ୱ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର ଜମି ଦୁର୍ନୀତି, ଖଣି ଓ ଇସ୍ପାତ ମନ୍ତ୍ରୀ ରଘୁନାଥ ମହାନ୍ତିଙ୍କୁ
ଏମ୍ଜିଏନ୍ଆର୍ଇଜିଏ ଦୁର୍ନୀତି, ଖଣି ଦୁର୍ନୀତି ଓ ବାଲିଆପାଳ ବଳାକ୍ରାର ଘଟଣା ପାଇଁ ଦାୟୀ କରାଯାଇଛି ।
ଗ୍ରାମ୍ୟ ଉନ୍ନୟନ ମନ୍ତ୍ରୀ ବିକ୍ରମ କେଶରୀ ଆରୁଖଙ୍କ ବିରୋଧରେ ମିଥ୍ୟା ସତ୍ୟପାଠ ଓ ଘର ଦୁର୍ନୀତି, ବାଣିଜ୍ୟ ଓ ପରିବହନ ମନ୍ତ୍ରୀ ସଂଜୀୟ ସାହୁ ବସଷ୍ଟାଣ୍ଡ ଜମି ହସ୍ତାନ୍ତର ଦୁର୍ନୀତିରେ ସଂପୃକ୍ତ ଥିବା ଇସ୍ତାହାରରେ କୁହାଯାଇଛି ।
ଉଚ୍ଚ ଶିକ୍ଷା ମନ୍ତ୍ରୀ ବଦ୍ରୀ ନାରାୟଣ ପାତ୍ର ଏବଂ ବ୍ୟିାଳୟ ଓ ଗଣଶିକ୍ଷା ମନ୍ତ୍ରୀ ପ୍ରତାପ ଜେନାଙ୍କ
ବିରୋଧରେ କୋଇଲା ଦୁର୍ନୀତି, ପଂଚାୟତିରାଜ ମନ୍ତ୍ରୀ ମହେଶ୍ୱର ମହାନ୍ତି ପୁରୀ ପୌରପରିଷଦ ଜମି ଦୁର୍ନୀତି, ଗାୟତ୍ରୀ ପଣ୍ଡା ମାମଲା ଓ ଆଶୀର୍ବାଦ ଗେଷ୍ଟହାଉସ୍ ମାମଲାରେ ସଂପୃକ୍ତି ଥିବା ଅଭିଯୋଗ କରାଯାଇଛି ।
ପୂର୍ବତନ କୃଷି ମନ୍ତ୍ରୀ ପ୍ରଦୀପ ମହାରଥୀଙ୍କ ବିରୁଦ୍ଧରେ ଫୌଜାରୀ ମାମଲା ଥିଲାବେଳେ ସେ ବିହନ
ଦୁର୍ନୀତିରେ ସଂଶ୍ଳିଷ୍ଟ ଥିବା କୁହାଯାଇଛି । ସେହିପରି ଶ୍ରମ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓ ଓ ଶକ୍ତିମନ୍ତ୍ରୀ ଅତନୁ ସବ୍ୟସାଚୀ ନାୟକ ରାଜ୍ୟସଭା ନିର୍ବାଚନରେ ଘୋଡା ବେପାରେ ସଂପୃକ୍ତ ଥିବା ଅଭିଯୋଗ କରାଯାଇଛି ।
ରାଜ୍ୟ ସରକାରଙ୍କ ଭ୍ରଷ୍ଟାଚାର ବିରୋଧରେ କଂଗ୍ରେସ ଲଢେଇ ଜାରି ରଖିବ । ବ୍ଲକ୍ ଅଫିସ୍ ଗୁଡିକ ବିଜେଡି କର୍ମୀଙ୍କ ଆଡ୍ଡାରେ ପରିଣତ ହୋଇଛି ବୋଲି ଇସ୍ତାହାରରେ ଉଲ୍ଲେଖ କରାଯାଇଛି ।
ଓଡ଼ିଶା ଡ଼ଟ୍ କମ୍
