ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ପୁରୀ, ଜାନୁୟାରୀ ୩୦(ଓଡ଼ିଶା ଡ଼ଟ୍ କମ୍) ବହୁ ଚର୍ଚ୍ଚିତ ପୁରୀ ଜିଲ୍ଲା ଚନ୍ଦନପୁର ନାବାଳିକା ଛାତ୍ରୀ ହତ୍ୟା ଘଟଣାରେ(ଫରେନ୍ସିକ୍ ମେଡ଼ିସିନ୍ ଆଣ୍ଡ ଟକ୍ସିକୋଲୋଜି) ଅଧିକାରୀମାନେ ତଦନ୍ତ ଆରମ୍ଭ କରିଛନ୍ତି ।
ଏକ ଚାରି ଜଣିଆ ଦଳ ରବିବାର ଚନ୍ଦନପୁରରେ ପହଞ୍ଚି ମୃତ ଦେହେ ପଡ଼ିଥିବା ପୋଖରୀ, ବିଭିନ୍ନ ସାମଗ୍ରୀ ପଡ଼ିଥିବା ସ୍ଥାନରେ ତଦନ୍ତ କରିବା ସହ ମୃତାଛାତ୍ରୀଙ୍କ ଘରକୁ ଯାଇ ତାଙ୍କ ବାପା ଏବଂ ପରିବାର ଲୋକଙ୍କ ସହ ଆଲୋଚନା କରିଛନ୍ତି ।
ଝିଅକୁ ହତ୍ୟା କରାଯାଇଛି ଏବଂ ଠିକ୍ ଭାବରେ ତଦନ୍ତ ହେଲେ ସତକଥା ପଦାକୁ ଆସିବ ବୋଲି ଛାତ୍ରୀଙ୍କ ବାପା ନିରଂଜନ ପାତ୍ର ତଦନ୍ତକାରୀ ଦଳକୁ କହିଛନ୍ତି । ବହୁ ବଡ଼ ବଡ଼ ଲୋକ ଘଟଣାକୁ ଚପାଇ ଦେବାକୁ ଉଦ୍ୟମ କରିଛନ୍ତି ବୋଲି ସେ କହିଛନ୍ତି ।
ଗତ ବର୍ଷ ମାର୍ଚ୍ଚ ୨୬ ସଂଧ୍ୟାରେ ଚନ୍ଦନପୁର ଅନ୍ତର୍ଗତ ନୂଆଗାଁ ଗ୍ରାମର ଜନୈକ ନାବାଳିକାଙ୍କୁ କେତେକ ଲୋକ ଜୋରଜବରସ୍ତ ନେଇଯାଇଥିଲେ । ତିନିଦିନ ପରେ ପୋଲିସ ଏକ ଚୂଆରୁ ତାଙ୍କର ମୃତ ଦେହ ଉଦ୍ଧାର କରିଥିଲା ।
ଏହି ଘଟଣାରେ ଫରେନ୍ସିକ୍ ଟିମ୍ ରିପୋର୍ଟ ଦେଇଥିଲେ ମଧ୍ୟ ସ୍ଥାନୀୟ ପୋଲିସ ଚୁପ୍ ରହିଥିବା ଛାତ୍ରୀଙ୍କ ପରିବାର ପକ୍ଷରୁ ଅଭିଯୋଗ କରାଯାଇଥିଲା ।
ଓଡ଼ିଶା ଡ଼ଟ୍ କମ୍