ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜାନୁୟାରୀ ୩୦(ଓଡ଼ିଶା ଡ଼ଟ୍ କମ୍) କଂଗ୍ରେସ ପକ୍ଷରୁ ପ୍ରକାଶ କରାଯାଇଥିବା ନିର୍ବଚନୀ ଇସ୍ତାହାର ଆଚରଣବିଧି ଉଲଂଘନ କରୁଥିବା ଦର୍ଶାଇ ଏହା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଜେଡ଼ି ପକ୍ଷରୁ ଦାବି କରାଯାଇଛି ।
ତ୍ରିସ୍ତରୀୟ ପଂଚାୟତ ନିର୍ବାଚନ ପାଇଁ ଆଚରଣବିଧି ଲାଗୁ ହେବା ପରେ ଆଇନ ଅନୁଯାୟୀ ଯେଉଁ କଟକଣା ଜାରି କରାଯାଇଛି କଂଗ୍ରେସ ତାହା ଉଲଂଘନ କରିଛି ବୋଲି ରବିବାର ଳପକ୍ଷରୁ ନିର୍ବାଚନ କମିଶନଙ୍କୁ କୁହାଯାଇଛି ।
ଗୋଟିଏ ଦଳ ଅନ୍ୟ କୌଣସି ଦଳର ନେତାଙ୍କ ବିରୁଦ୍ଧରେ ବ୍ୟକ୍ତିଗତ ମତ ଦେଇପାରିବେ ନାହଁ କିମ୍ବା
ଅଭିଯୋଗ କରିପାରିବେ ନାହିଁ । କଂଗ୍ରେସ ଏହାର ଉଲଂଘନ କରି ମୁଖ୍ୟମନ୍ତ୍ରୀଙ୍କ ସମେତ ୧୪ ଜଣ
ମନ୍ତ୍ରୀଙ୍କ ବିରୁଦ୍ଧରେ ଅଭିଯୋଗ ଆଣିଛି ।
ତେଣୁ ଏହା ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଜେଡ଼ି ପକ୍ଷରୁ ନିର୍ବାଚନ କମିଶନଙ୍କୁ ଅନୁରୋଧ କରାଯାଇଥିବା ଦଳର ଜଣେ ବରିଷ୍ଠ ନେତା କହିଛନ୍ତି ।
ଶନିବାର କଂଗ୍ରେସ ପକ୍ଷରୁ ପଂଚାୟତ ନିର୍ବାଚନ ପରିପ୍ରେକ୍ଷୀରେ ଇସ୍ତହାର ପ୍ରକାଶ କରାଯାଇଥିଲା ଏବଂ ଏଥିରେ ୧୪ ଜଣ ମନ୍ତ୍ରୀଙ୍କ ବିରୁଦ୍ଧରେ ଦୁର୍ନୀତି ଅଭିଯୋଗ ଉଲ୍ଲେଖ କରାଯାଇଥିଲା ।
ଓଡ଼ିଶା ଡ଼ଟ୍ କମ୍
