ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଫେବୃୟାରୀ ୧୫(ଓଡ଼ିଶା ଡ଼ଟ୍ କମ୍) ତ୍ରୀସ୍ତରୀୟ ପଂଚାୟତ ନିର୍ବାଚନ ପାଇଁ ବୁଧବାର ୭୯ଟି ବ୍ଲକରେ ତୃତୀୟ ପର୍ଯ୍ୟାୟ ଭୋଟ୍ ଗ୍ରହଣ ଆରମ୍ଭ ହୋଇଛି ।
୧୮୮ଟି ଜିଲ୍ଲା ପରିଷ ସଭ୍ୟ, ୧୩୫୦ଟି ସରପଂଚ ଓ ୧୩୫୦ ସମିତି ସଭ୍ୟ ସମେତ ସବୁ ୱାର୍ଡ ମେମ୍ବର ପଦବୀ ପାଇଁ ଭୋଟ୍ ଗ୍ରହଣ କରାଯାଉଛି ।
୧୯ ହଜାର ୬୮ଟି ବୁଥ୍ରେ ୫୩ଲକ୍ଷ ୮୮ ହଜାର ୬୬୪ଜଣ ଭୋଟର ସେମାନଙ୍କର ମତଦାନ ସାବ୍ୟସ୍ତ କରିବେ । ବୁଥ୍ ଗୁଡ଼ିକରେ ସକାଳ ୭ଟାରୁ ଭୋଟ୍ ଗ୍ରହଣ ଆରମ୍ଭ ହୋଇଥିବା ବେଳେଦିନ ୧୨ଟାରେ ଏହା ଶେଷ ହେବ ଏବଂ ୧ଟାରେ ଗଣତି ହେବ ।
ଏହି ପର୍ଯ୍ୟାୟରେ ଅଧିକାଂଶ ମାଓ ପ୍ରବଣ ଜିଲ୍ଲା ଗୁଡ଼ିକରେ ଭୋଟ୍ ଗ୍ରହଣ କରାଯାଉଥିବାରୁ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ସେହିପରି ଅତି ସମ୍ବେଦନଶୀଳ ବୁଥ୍ରେ ଅତିରିକ୍ତ ପୋଲିସ ଫୋର୍ସ ମୁତୟନ କରାଯାଇଛି ।
କୋରାପୁଟ ଜିଲ୍ଲାର ଜୟପୁର, କୋରାପୁଟ, ବୋରିଗୁମ୍ମା, ଲମତାପୁର ,ଲକ୍ଷ୍ମୀପୁର, ମାଲକାନଗିରିର, କାଲିମେଳା, କୋରକୁଣ୍ଡା, ନବରଙ୍ଗପୁରର କୋଶଗୁମୁଡା ଓ ପାପଡାହାଣ୍ଡି, ରାୟଗଡାର ବିଷମକଟକ ଓ ମୁନିଗୁଡାରେ ମତଦାନ ଆରମ୍ଭ ହୋଇଛି ।
ସେହିପରି ଅନୁଗୁଳ ଜିଲ୍ଲାର ଆଠମଲ୍ଲିକ, କିଶୋରନଗର ବ୍ଲକ, ବାଲେଶ୍ୱର ଜିଲ୍ଲାର ଜଳେଶ୍ୱର, ବାହାନଗା ଓ ସିମୁଳିଆ, ବରଗଡ଼ର ଗାଇସିଲଟ, ଭଟ୍ଲି, ଅମ୍ବାଭୋନା, ଭଦ୍ରକର ତିହିଡ଼ି, ବଲାଙ୍ଗୀରର ପାଟଣାଗଡ଼, ବେଲପଡା ଓ ମୂରିବାହାଲ, ବୌଦ୍ଧର ହରଭଙ୍ଗା, କଟକର ତିଗିରିଆ, ଟାଙ୍ଗୀ-ଚୌ୍ୱାର ଓ ସାଲେପୁର, ଦେଓଗଡର ତିଳେଇବଣୀ, ଢେଙ୍କାନାଳର ଭୁବନ ଓ କାମାକ୍ଷାନଗର ଏବଂ ଗଜପତି ଜିଲ୍ଲାର ରାୟଗଡ ଓ ନୂଆଗାଁ ବ୍ଲକରେ ମତଦାନ ଚାଲିଛି ।
ଗଞ୍ଜାମ ଜିଲ୍ଲାର ପାତ୍ରପୁର, ଚିକିଟି, କବିସୂର୍ଯନଗର, ବେଗୁନିଆପଡା, ଭଞ୍ଜନଗର ଓ ଜଗନ୍ନାଥପ୍ରସା, ଜଗତସିଂହପୁରର କୁଜଙ୍ଗ ଓ ନୂଆଗାଁ, ଯାଜପୁରର ଶରଥପୁର ଓ ବିଞ୍ଝାରପୁର, ଝାରସୁଗୁଡାର ଲାଇକେରା ଓ କୋଲବିରା ।
କଳାହାଣ୍ଡିର ଭବାନୀପାଟଣା, ଲାଞ୍ଜିଗଡ ଓ ନର୍ଲା, କନ୍ଧମାଳର ରାଇକିଆ, ଜି.ଉୟଗିରି ଓ ଚକାପା, କେନ୍ଦ୍ରାପଡାର ମହାକାଳପଡା ଓ ରାଜନଗର, କେନ୍ଦୁଝର, ପାଟଣା ଓ ସହରପଡା, ଖୋର୍ଦ୍ଧାର ଜଟଣୀ ଓ ଖୋର୍ଦ୍ଧା, ସୁବର୍ଣ୍ଣପୁରର ବିନିକା ଓ ସୋନପୁର ଏବଂ ସୁନ୍ଦରଗଡ ଜିଲ୍ଲାର ସବ୍ଡେଗା, ବାଲିଶଙ୍କରା, ଲହୁଣିଡାଓ ବଣେଇଗଡ ବ୍ଲକରେ ମତଦାନ କରାଯାଉଛି ।
ସେହିପରି ଆସନ୍ତା ୧୭ ଏବଂ ୧୯ ତାରିଖରେ ଯଥାକ୍ରମେ ଚତୁର୍ଥ ଓ ପଂଚମ ପର୍ଯ୍ୟାୟ ଭୋଟ୍ ଗ୍ରହଣ ହେବ ।
ଓଡ଼ିଶା ଡ଼ଟ୍ କମ୍
