ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କଟକ,ଫେବୃୟାରୀ ୧୪(ଓଡ଼ିଶା ଡ଼ଟ୍ କମ୍) “ଅଚିହ୍ନା ବାସଭୂମି” ଉପନ୍ୟାସକୁ କେନ୍ଦ୍ର ସାହିତ୍ୟ
ଏକାଡ଼େମୀ ପୁରସ୍କାର ପ୍ରଦାନକୁ ବିରୋଧ କରି ହୋଇଥିବା ମାମଲାକୁ ମଙ୍ଗଳବାର ଓଡ଼ିଶା ହାଇକୋର୍ଟ ଖାରଜ କରିେଇଛନ୍ତି ।
୨୦୧୧ ପାଇଁ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ନିମନ୍ତେ କୋଲକାତା ନିବାସୀ ଓଡ଼ିଆ ସାହିତ୍ୟିକା କଳ୍ପନା କୁମାରୀ ଦେବୀଙ୍କ ଦ୍ୱାରାଲିଖିତ ଏହି ଉପନ୍ୟାସ ମନୋନୀତ ହୋଇଥିଲା ।
ତେବେ “ଅଚିହ୍ନା ବାସଭୂମି” କୁ ପୁରସ୍କାର ପାଇଁ ମନୋନୀତ କରିବା ବେଳେ ବ୍ୟାପକ ଅନିୟମିତତା ହୋଇଥିବା ଦର୍ଶାଇ ପ୍ରକାଶକ ତଥା ଲେଖକ କନିଷ୍କ ଓଡ଼ିଶା ହାଇକୋର୍ଟରେ ଏକ ମାମଲା ରୁଜୁ କରିଥିଲେ ।
ଗତ ୨ରେ ଏହି ମାମଲାର ଶୁଣାଣି କରି ହାଇକୋର୍ଟ ଉପନ୍ୟାସକୁ ପୁରସ୍କାର ପ୍ରଦାନ ଉପରେ ରହିତାଦେଶ ଜାରି କରିଥିଲେ । ତେବେ ଆଜି ଚୁଡ଼ାକ୍ତ ରାୟରେ ହାଇକୋର୍ଟ ରହିତା ଦେଶକୁ ଉଠାଇ ଦେବା ସହ ପୁରସ୍କାର ମନୋନୟନ ପ୍ରକ୍ରିୟା ସ୍ୱଚ୍ଛ ବୋଲି ଦର୍ଶାଇଛନ୍ତି ।
ଓଡ଼ିଶା ଡ଼ଟ୍ କମ୍
