ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର, ଫେବୃୟାରୀ ୧୬ (ଓଡିଶା ଡଟ୍ କମ୍) ବିଶିଷ୍ଟ ଓଡିଆ ସଂଗୀତଜ୍ଞ ପ୍ରଫୁଲ୍ଲ କର ଗୁରୁବାର ୭୪ ବର୍ଷ ବୟସରେ ପାର୍ପଣ କରିଥିବା ବେଳେ ଜନ୍ମଦିନ ଉପଲକ୍ଷେ ସଙ୍ଗୀତ ଜଗତର ବହୁ ଜଣାଶୁଣା ବ୍ୟକ୍ତି ଓ ଶୁଭେଚ୍ଛୁ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
୧୯୩୯ ମସିହା ଆଜିରଦିନରେ ପୁରୀ ଜିଲ୍ଲାରେ ସେ ଜନ୍ମଗ୍ରହଣ କରିଥିଲେ । ତାଙ୍କ ବଡଭାଇ ଜଣେ
ତବଲା ବାକ ଥିବା ବେଳେ ତାଙ୍କଠାରୁ ପ୍ରେରଣା ପାଇ ସେ ସଙ୍ଗୀତ ଆଡକୁ ମନ ବଦଳାଇଥିଲେ ।
କଟକ ଆଇନ୍ ମହାବିଦ୍ୟାଳୟରୁ ପାସ୍ କରିବା ପରେ ଏକ ସୁପ୍ରତିଷ୍ଠିତ ଅନୁଷ୍ଠାନରୁ ସଙ୍ଗୀତରେ ଡିଗ୍ରୀ ହାସଲ କରି ମାତ୍ର ୨୨ ବର୍ଷ ବୟସରୁ ଓଡିଆ ସଙ୍ଗୀତ ଜଗତକୁ ଦେଇଚାଲିଲେ ଗୋଟିଏ ପରେ ଗୋଟିଏ ସୁମଧୁର ସଂଗୀତ ।
ସେ ପ୍ରାୟ ୭୦ରୁ ଅଧିକ ଓଡିଆ ସିନେମାରେ ନିର୍ଦ୍ଦେଶନା ଦେବା ସହିତ କଣ୍ଠଦାନ ମଧ୍ୟ କରିଛନ୍ତି । ବଙ୍ଗଳା ଚଳଚ୍ଚିତ୍ର ସଂଗୀତରେ ମଧ୍ୟ ସେ ନିର୍ଦ୍ଦେଶନା ଦେଇଛନ୍ତି । ଏବେ ବି ଲୋକପ୍ରିୟ ହୋଇ ରହିଥିବା “ଶେଷ ଶ୍ରାବଣ’ ଭଳି ବହୁ ଓଡିଆ ଚଳଚ୍ଚିତ୍ରରେ ସେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ।
ସେ ଜୟଦେବ ପୁରସ୍କାର, ଓଡ଼ିଶା ସଂଗୀତ ନାଟକ ଏକାଡ଼େମୀ ପୁରସ୍କାର, ଆଠ ଥର ଶ୍ରେଷ୍ଟ ସଂଗୀତ ନିର୍ଦ୍ଦେଶକ ପୁରସ୍କାର ଭଳି ବହୁ ସମ୍ମାନରେ ସମ୍ମନୀତ ହୋଇଛନ୍ତି ।
ରାଜ୍ୟ, ଦେଶ ତଥା ଅଷ୍ଟ୍ରେଲିଆ, ବ୍ରାଜିଲ, ଆମେରିକା, ଦୁବାଇ ଆଦି ସ୍ଥାନରେ ବହୁ ସଙ୍ଗୀତ
କାର୍ଯ୍ୟକ୍ରମରେ ସେ ଯୋଗ ଦେଇଛନ୍ତି । ସଙ୍ଗୀତ ଜଗତରେ ତାଙ୍କର ପଚାଶ ବର୍ଷ ପୂରଣ ହୋଇସାରିଥିଲେ
ମଧ୍ୟ ଆଜି ବି ସେ ସକ୍ରିୟ ଅଛନ୍ତି ।
ଓଡିଶା ଡଟ୍ କମ୍
