ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଫେବୃୟାରୀ ୨୯(ଓଡ଼ିଶା ଡ଼ଟ୍ କମ୍) ଜାତୀୟ ଆତଙ୍କବାଦ ପ୍ରତିରୋଧ କେନ୍ଦ୍ର (ଏନ୍ସିଟିସି) ଗଠନ ନେଇ ପ୍ରଧାନମନ୍ତ୍ରୀ ମୁଖ୍ୟମନ୍ତ୍ରୀ ମାନଙ୍କ ସହ ଆଲୋଚନା କରନ୍ତୁ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର କହିଛନ୍ତି ।
ଏହି ବିଷୟ ନେଇ ନବୀନ ପ୍ରଥମେ ସ୍ୱର ଉଠାଇଥିବା ବେଳେ ଚାରୋଟି ଅଣ କଂଗ୍ରେସ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ତାଙ୍କୁ ସମର୍ଥନ କରିସାରିଛନ୍ତି ।
ତେବେ ଏସଂପର୍କରେ କେନ୍ଦ୍ର ଗୃହ ସଚିବ ରାଜ୍ୟ ପୋଲିସ ମୁଖ୍ୟଙ୍କ ବୈଠକ ଡକାଇ ସମାଧାନ କରିବା
ଉଦ୍ୟମକୁ ନବୀନ ନାପସନ୍ଦ କରିଛନ୍ତି ।
ଗୃହ ସଚିବ ଡ଼କାଇଥିବା ବୈଠକ ପରିବର୍ତେ ପ୍ରଧାନମନ୍ତ୍ରୀ ନିଜେ ମୁଖ୍ୟମନ୍ତ୍ରୀ ମାନଙ୍କ ବୈଠକ ଡକାଇ ଏନ୍ସିଟିସି ବିବାଦର ସମାଧାନ କରିବା ଉଚିତ୍ ବୋଲି ନବୀନ ବୁଧବାର ପଠାଇଥିବା ପତ୍ରରେ ଉଲ୍ଲେଖ କରିଛନ୍ତି ।
ଓଡ଼ିଶା ଡ଼ଟ୍ କମ୍
