ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମାର୍ଚ୍ଚ ୨(ଓଡ଼ିଶା ଡ଼ଟ୍ କମ୍) ଭାରତର ଅଗ୍ରଣୀ ପ୍ରତ୍ୟକ୍ଷ ବିକ୍ରୟକାରୀ ଏଫ୍ଏମ୍ସିଜି କମ୍ପାନୀ ଆମ୍ୱେ ୨୦୧୧ରେ ଓଡ଼ିଶାରେ ୩୫ ପ୍ରତିଶତ ଅଭିବୃଦ୍ଧି କରିଛି ।
୨୦୧୦ରେ ସମୁଦାୟ ବିକ୍ରିଲବ୍ଧ ଆୟ ୩୨.୮ ଥିବା ବେଳେ ଏହି ବର୍ଷରେ କମ୍ପାନୀ ୪୪.୩ କୋଟି ଟଙ୍କା
ଆୟ କରିଛି ବୋଲି ଶୁକ୍ରବାମ୍କମ୍ପାନୀ ପକ୍ଷରୁ କୁହାଯାଇଛି ।
ଆମ୍ୱେ ଇଣ୍ଡିଆ ୨୦୧୧ରେ ୨୧୩୦ କୋଟି ଟଙ୍କାର ଆୟ କରିଛି ଯାହା ୨୦୧୦ ତୁଳନାରେ ୧୯ ପ୍ରତିଶତ ଅଧିକ । ୨୦୧୦ରେ ଏହା ୧୭୯୦ କୋଟି ଟଙ୍କା ଥିଲା ଏବଂ ୨୦୧୨ରେ ୨୫୦୦ କୋଟି ଟଙ୍କାରୁ ଅଧିକ ବ୍ୟବସାୟ କରିବାକୁ ଲକ୍ଷ୍ୟ ରଖିଥିବା କୁହାଯାଇଛି ।
ଓଡ଼ିଶା, ଆମ୍ୱେ ଇଣ୍ଡିଆ ପାଇଁ ଏକ ଦ୍ରୁତ ବିକାଶ ରାଜ୍ୟ ଯେଉଁଥିରେ ୨୦୧୧ରେ ୩୫ ପ୍ରତିଶତ ଉଲ୍ଲେଖନୀୟ ଅଭିବୃଦ୍ଧିର ପ୍ରମାଣ ଦେଇଛି ବୋଲି ଏହାର ପୂର୍ବ ଭାରତର ଉପାଧ୍ୟକ୍ଷ ଦୀପ୍ତରାଗ ଭଟ୍ଟାଚାର୍ଯ୍ୟ କହିଛନ୍ତି ।
ପଶ୍ଚିମ ଓଡ଼ିଶାର ଶିଳ୍ପ ରାଜଧାନୀ ରାଉରକେଲାରେ ଖୋଲିଥିବା ଟଚ୍ ପଏଂଟ ଆଖିୃଶିଆ ବିକାଶ କରିଛି । ଭୁବନେଶ୍ୱରରେ ଗତ ବର୍ଷ ଆରମ୍ଭ ହୋଇଥିବା ଅଭିନବ ବ୍ରାଣ୍ଡ ଏକ୍ସପେରିଏନ୍ସ ଦେଟରରେ ଉତ୍ପାଦ ଗୁଡ଼ିକର ଗୁଣକୁ ପରଖିବାର ସୁବିଧା ଏବଂ କସ୍ମେଟୋଲୋଜିଷ୍ଟଙ୍କ ବ୍ୟକ୍ତିଗତ ପରାମର୍ଶ ଉତ୍ପାଦ ବିକ୍ରୀକୁ ବୃଦ୍ଧି କରିଛି, ସେ କହିଛନ୍ତି ।
୨୦୧୨ରେ ଓଡ଼ିଶାରେ ଅଭିବୃଦ୍ଧି ପାଇଁ ବିଭିନ୍ନ ସ୍ଥାନରେ ଉଚ୍ଚ ବିତରଣ କେନ୍ଦ୍ର, ଉତ୍ପାନ, ସମ୍ପ୍ରସାରଣ, ବିତରକ ମାନଙ୍କୁ ଅଧିକ ତାଲିମ ଏବଂ ହୋମ ଡ଼େଲିଭରି ଉପରେ ଗୁରୁତ୍ୱ ଦିଆଯିବ ବୋଲି ଭଟ୍ଟାଚାର୍ଯ୍ୟ କହିଛନ୍ତି ।
ଓଡ଼ିଶା ଡ଼ଟ୍ କମ୍
