ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମାର୍ଚ୍ଚ ୩(ଓଡ଼ିଶା ଡ଼ଟ୍ କମ୍) ରାଜ୍ୟରେ ଚାଷୀ ମାନଙ୍କୁ ଉପଯୁକ୍ତ ସମୟରେ ବିହନ ଏବଂ ସାର ଯୋଗାଇ ଦେବା ଉପରେ ମୁଖ୍ୟମନ୍ତ୍ରୀ ଗୁରୁତ୍ୱାରୋପ କରିଛନ୍ତି ।
ଏହାସହ ଫଳ ଓ ପନିପରିବା ଆଦି ଉଦ୍ୟାନ କୃଷି ଦ୍ରବ୍ୟର ଉତ୍ପାଦନ ବୃଦ୍ଧି ଓ କାର୍କେଟିଂ ଉପରେ ଧ୍ୟାନ ଦେବାକୁ ଶନିବାର କୃଷି ବିଭାଗର ବିଭିନ୍ନ କାର୍ଯ୍ୟକ୍ରମର ସମୀକ୍ଷା ବୈଠକରେ ମୁଖ୍ୟମନ୍ତ୍ରୀ ବିଭାଗୀୟ ଅଧିକାରୀଙ୍କୁ ପରାମର୍ଶ ଦେଇଛନ୍ତି ।
୨୦୧୧-୧୨ ରବି ଋତୁରେ ୨୪.୭୧ ଲକ୍ଷ ହେକ୍ଟର ଚାଷଜମିରେ ଫସଲ କରାଯିବା ସହ ଚାଷୀ ମାନଙ୍କୁ ପ୍ରାୟ ୧.୫୭ ଲକ୍ଷ କ୍ୱିନ୍ଟାଲ ବିହନ ଯୋଗାଇ ଦିଆଯାଇଥିବା ବୈଠକରେ କୁହାଯାଇଛି ।
ସେହିପରି ୨୦୧୧-୧୨ ବର୍ଷରେ ୮.୨୨ ଲକ୍ଷ କ୍ୱିନ୍ଟାଲ ବିହନ ଉତ୍ପାଦିତ ହୋଇଥିବା ବେଳେ ୨୦୧୨-୧୩ରେ ୧୦.୫୪ ଲକ୍ଷ କ୍ୱିନ୍ଟାଲ ବିହନ ଉତ୍ପାଦନ କରିବାର ଲକ୍ଷ୍ୟ ଧାର୍ଯ୍ୟ କରାଯାଇଛି ।
ଜାତୀୟ ଉଦ୍ୟାନ କୃଷି ମିଶନରେ ଅଧିକ ଛଅଟି ଜିଲ୍ଲା ଯଥା ଯାଜପୁର, କେନ୍ଦ୍ରାପଡ଼ା, ଜଗତସିଂହପୁର, ଝାରସୁଗୁଡ଼ା, ଭଦ୍ରକ ଓ ବୌଦ୍ଧକୁ ଅର୍ନ୍ତଭୁକ୍ତ କରିବା ସଂପର୍କରେ ଆଲୋଚନା କରାଯାଇଛି ।
ଜାତୀୟ ଉଦ୍ୟାନ କୃଷି କାର୍ଯ୍ୟକ୍ରମରେ ଶେଷ୍ଠ ପ୍ରଦର୍ଶନ ପାଇଁ ରାଜ୍ୟକୁ ପୁସ୍କୃତ କରାଯାଇଥିବା କୁହାଯାଇଛି ।
ଓଡ଼ିଶା ଡ଼ଟ୍ କମ୍
