ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମାର୍ଚ୍ଚ ୩୦(ଓଡ଼ିଶା ଡ଼ଟ୍ କମ୍) ଲକ୍ଷ୍ମୀପୁର ବିଧାୟକ ଝିନ୍ନ ହିକକାଙ୍କ ମୁକ୍ତି ପାଇଁ ସରକାରଙ୍କ ସହ ଆଲୋଚନା କରିବାକୁ ଚାଷୀମୂଲିଆ ଆଦିବାସୀ ସଂଘକୁ ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ୱାନ କରିଛନ୍ତି ।
ହିକକାଙ୍କ ମୁକ୍ତି ପାଇଁ ମାଓବାଦୀଙ୍କ ପକ୍ଷରୁ ଉପସ୍ଥାପନ କରାଯାଇଥିବା ଦାବି ମଧ୍ୟରେ ଚାଷିମୂଲିଆ ସଂଘର କେତେକ ଦାବି ଥିବାରୁ ସେମାନଙ୍କ ସହ ଆଲୋଚନା କରିବାକୁ ସରକାର ପ୍ରସ୍ତୁତ ବୋଲି ସେ ବିଧାନସଭାରେ କହିଛନ୍ତି ।
ଆଲୋଚନା ପାଇଁ ସଂଘ ପକ୍ଷରୁ ପ୍ରତିନିଧି ଦେବାକୁ ମୁଖ୍ୟମନ୍ତ୍ରୀ କହିଛନ୍ତି ।
ସେହିପରି ଅପହୃତ ବିଦେଶୀ ପର୍ଯ୍ୟଟକ ବାସୁସ୍କୋ ପାଓଲୋଙ୍କ ମୁକ୍ତି ପାଇଁ ଉପସ୍ଥାପନ କରାଯାଇଥିବା ଅତିରିକ୍ତ ଦାବି ସଂପର୍କରେ ଅନୁଧ୍ୟାନ ଚାଲିଛି ଏବଂ ଆଉ କିଛି ସମୟ ଲାଗିପାରେ ବୋଲି ସେ କହିଛନ୍ତି ।
ତେବେ ବିଧାୟକ ଏବଂ ପର୍ଯ୍ୟଟକଙ୍କୁ ଅକ୍ଷତ ଅବସ୍ଥାରେ ଶୀଘ୍ର ଛାଡ଼ି ଦେବାକୁ ମୁଖ୍ୟମନ୍ତ୍ରୀ ପୁଣି ମାଓବାଦୀଙ୍କୁ ନିବେଦନ କରିଛନ୍ତି ।
ଓଡ଼ିଶା ଡ଼ଟ୍ କମ୍
