ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କେନ୍ଦୁଝର, ଅପ୍ରେଲ ୨(ଓଡ଼ିଶା ଡ଼ଟ୍ କମ୍) କେନ୍ଦୁଝର ଜିଲ୍ଲା ହାଟଡିହି ବ୍ଲକ ଅଂଚଳର ଜଣେ ପୂର୍ବତନ ସରପଂଚଙ୍କୁ ସୋମବାର ହତ୍ୟା କରାଯାଇଥିବା ବେଳେ ଏହାକୁ ନେଇ ସ୍ଥାନୀୟ ଲୋକମାନେ ପୋଡ଼ାଜଳା କରିଥିବା ପୋଲିସ କହିଛି ।
ସମଣା ପଂଚାୟତର ବୈଷ୍ଣବ ବିଶ୍ୱାଳଙ୍କୁ ସକାଳୁ କେତେକ ଲୋକ ହତ୍ୟା କରିବା ପରେ ସଂପୃକ୍ତ ଅଂଚଳରେ ଉତ୍ତେଜନା ପ୍ରକାଶ ପାଇଥିଲା । ଉତ୍ୟକ୍ତ ଲୋକେ ଗାଁରେ ବ୍ୟାପକ ପୋଡ଼ାଜଳା କରିବା ସହ ଏକ ମୋବାଇଲ ଟାୱାର, ୫ଟି ମୋଟର ସାଇକେଲ, ୨ଟି କାର ଏବଂ ୭ଟି ଘର ପୋଡ଼ି ଦେଇଛନ୍ତି ।
ତେବେ ଘଟଣାର ଦୀର୍ଘ ସମୟ ପରେ ମଧ୍ୟ ପୋଲିସ ଓ ମକଳ ବାହିନୀ ପହଂଚିନଥିବାରୁ ଗ୍ରାମବାସୀମାନେ ଆନନ୍ଦପୁର-ଭଦ୍ରକ ମୁଖ୍ୟ ରାସ୍ତାକୁ ଅବରୋଧ କରିଥିଲେ ।
ସଂପୃକ୍ତ ଗ୍ରାମରେ ଉତ୍ତେଜନା ଲାଗିରହିଥିବାରୁ ସେଠାରେ ବ୍ୟାପକ ପୋଲିସ ମୁତୟନ କରାଯାଇଥିବା ବେଳେ ବରିଷ୍ଠ ଅଧିକାରୀମାନେ ଘଟଣାସ୍ଥଳକୁ ଯାଇଛନ୍ତି ।
ଓଡ଼ିଶା ଡ଼ଟ୍ କମ୍
