ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଅପ୍ରେଲ ୩(ଓଡ଼ିଶା ଡ଼ଟ୍ କମ୍) ଅପହୃତ ବିଧାୟକଙ୍କ ମୁକ୍ତି ପାଇଁ ଆସନ୍ତା ଗୁରୁବାର ୫ ତାରିଖ ସୁଦ୍ଧା ସେମାନଙ୍କ ଦାବି ପୂରଣ କରିବାକୁ ମାଓବାଦୀମାନେ ମଙ୍ଗଳବାରଦିନ ଧାର୍ଯ୍ୟ କରିଛନ୍ତି ।
“ମାଓବାଦୀ ନେତା ଚନ୍ଦ୍ରମୌଲି’ ନିଜକୁ ସିପିଆଇ ମାଓବାଦୀ ସଂଗଠନର ଆନ୍ଧ୍ର-ଓଡ଼ିଶା ବୋର୍ଡ଼ର ସ୍ପେସାଲ ଜୋନାଲ କମିଟି ସଂପାଦକ ପରିଚୟ ଦେଇ ଗଣମାଧ୍ୟମକୁ ପଠାଇଥିବା ଅଡ଼ିଓ ଟେପ୍ ରେ ଏହା କୁହାଯାଇଛି ।
କୋରାପୁଟ ଏବଂ ମାଲକାନଗିରି ଜିଲ୍ଲାରେ ମିଥ୍ୟା ମାମଲାରେ ଚାଷୀମୂଲିଆ ଆଦିବାସୀ ସଂଘ ନେତାଙ୍କୁ ଗିରଫ କରାଯାଇଥିବା ସେ ଅଭିଯୋଗ କରି ସେମାନଙ୍କୁ ଛାଡ଼ି ଦେବାକୁ ସରକାରଙ୍କୁ କହିଛନ୍ତି ।
ଆଲୋଚନା ପାଇଁ ମଧ୍ୟସ୍ଥି ଦେବାକୁ ମନା କରିବା ସହ ୫ ତାରିଖକୁ ସମୟସୀମା ଦିଆଯାଇଛି ବୋଲି ସଂପୃକ୍ତ ମାଓ ନେତା କହିଛନ୍ତି
ଚାଷୀମୂଲିଆ ଆଦିବାସୀ ସଂଘ କୋରାପୁଟ ଏବଂ ମାଲକାନଗିରି ସମେତ କ୍ଷିଣ ଓଡ଼ିଶାରେ ଆଦିବାସୀଙ୍କ ପାଇଁ କାମ କରୁଛି । ତେବେ ଉକ୍ତ ସଂଗଠନକୁ ମାଓବାଦୀଙ୍କ ସମର୍ଥନ ଥିବା ପୋଲିସ କହୁଛି ।
ଲକ୍ଷ୍ମୀପୁର ନିର୍ବାଚନ ମଣ୍ଡଳୀରୁ ପ୍ରତିନିଧିତ୍ୱ କରୁଥିବା ବିଧାୟକ ଝିନ୍ନ ହିକକାଙ୍କୁ ମାଓବାଦୀମାନେ ଗତ ମାର୍ଚ୍ଚ ୨୪ରେ କୋରାପୁଟ ଜିଲ୍ଲାର ଏକ ସ୍ଥାନରୁ ଅପହରଣ କରିନେଇଥିଲେ ।
ଓଡ଼ିଶା ଡ଼ଟ୍ କମ୍