Site icon Odisha.com

ପିପିଲି ଗଣବଳାତ୍କାର: ତିନି ଡାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୨୧(ଓଡ଼ିଶା ଡ଼ଟ୍ କମ୍) ବହୁ ଚର୍ଚ୍ଚିତ ପିପିଲି ଗଣବଳାତ୍କାର ମାମଲାରେ ସରକାର ତିନି ଜଣ ଡ଼ାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ।

ଏହି ଡ଼ାକ୍ତରମାନେ ହେଲେ ପିପିଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତର ସନ୍ତୋଷ ତ୍ରିପାଠୀ ଓ ଡାକ୍ତର ଜାନକୀ ଭୂଷଣ ପଟ୍ଟନାୟକ ଏବଂ କ୍ୟାପିଟାଲ ହସ୍ପିଟାଲର ଡାକ୍ତର ମିଲନ ମିତ୍ର । ଏମାନଙ୍କ ବିରୁଦ୍ଧରେ ଚିକିତ୍ସାରେ ଅବହେଳା ଅଭିଯୋଗ ହୋଇଥିଲା ।

ଏହି ୩ ଜଣ ଡ଼ାକ୍ତରଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦିଆଯାଇଛି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି ।

ଘଟଣା ସମୟରେ ପିପିଲି ଥାନାରେ କେଉଁ ଅଫିସର ଦାୟିତ୍ୱରେ ଥିଲେ ଏବଂ ପୀଡ଼ିତାଙ୍କୁ କେଉଁ ଡାକ୍ତର ଚିକିତ୍ସା କରିଥିଲେ ତାହା ଜଣାଇବାକୁ ତଦନ୍ତ କମିଶନ ସରକାରଙ୍କୁ କହିଛନ୍ତି ।

ପିପିଲି ଓ କ୍ୟାପିଟାଲ ହସ୍ପିଟାଲ ସମେତ କଟକ ବଡ ମେଡିକାଲର ଡାକ୍ତରଙ୍କ ନାମ ଜଣାଇବାକୁ କୁହାଯାଇଛି । ଏହାବ୍ୟତୀତ ପୀଡିତାଙ୍କ ଘରେ ଏବେ କେଉଁମାନେ ରହୁଛନ୍ତି ଏବଂ ତାଙ୍କ ସହିତ ସେମାନଙ୍କର ସଂପର୍କ କ’ଣ ତାହା ଜଣାଇବାକୁ କମିଶନ କହିଛନ୍ତି ।

ଓଡ଼ିଶା ଡ଼ଟ୍ କମ୍

Exit mobile version