ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ରାଉରକେଲା, ଅପ୍ରେଲ ୨୨(ଓଡ଼ିଶା ଡ଼ଟ୍ କମ୍) ଜି’ଟିଭିରେ ପ୍ରସାରିତ ଡ୍ୟାନ୍ସ ଇଣ୍ଡିଆ ଡ୍ୟାନ୍ସ ସିଜନ୍-୩ର ଫାଇନାଲରେ ରାଉରକେଲାର ରାଜସ୍ମିତା କର ସର୍ବଭାରତୀୟ ସ୍ତରରେ ପ୍ରଥମ ସ୍ଥାନଅଧିକାର କରିଛନ୍ତି ।
ଶନିବାର ଆୟୋଜିତ ଏହି କାର୍ଯ୍ୟକ୍ରମରେ ସେ ଆସାମର ପ୍ରଦୀପ ଗୁରୁଙ୍ଗ, ଡେରାଡୁନ୍ର ରାଘବ ଗୁଜଘବ ଜୁଆଲ, ଦିଲ୍ଲୀର ସନମ୍ ଜୋହର ଓ ମଧ୍ୟ ପ୍ରଦେଶର ମୋହେନା ସିଂହଙ୍କୁ ପଛରେ ପକାଇ ସେ ଏହି ସଫଳତା ହାସଲ କରିଛନ୍ତି ।
ପ୍ରତିଯୋଗିତା ଆରମ୍ଭ ହେବା ସମୟରେ ପ୍ରାୟ ୧୮ଜଣ ପ୍ରତିଯୋଗୀ ଏଥିରେ ରହିଥିଲେ । ରାଜସ୍ମିତା ପ୍ରତିଯୋଗିତାରେ ବିଜୟୀ ହେବା ପରେ ତାଙ୍କୁ ଏକ ଟ୍ରଫି ଓ ମାରୁତି ଏର୍ଟିଗା କାର୍ ଉପହାର ଦିଆଯାଇଛି ।
ଏହି ସଫଳତା ପାଇ ସେ ରାଜ୍ୟବାସୀଙ୍କ ପାଇଁ ଗୌରବ ଆଣିଦେଇଛନ୍ତି । ସେ ପ୍ରଥମ ସ୍ଥାନ ହାସଲ
କରିବା ଜଣାପଡ଼ିବା ପରେ ଏହି କାର୍ଯ୍ୟକ୍ରମକୁ ଦେଖୁଥିବା ତାଙ୍କ ପ୍ରଶଂସକଙ୍କ ମଧ୍ୟରେ ଆନନ୍ଦର ଲହରୀ ଖେଳିଯାଇଥିଲା ।
ନିଜ ନୃତ୍ୟର ଉକ୍ରର୍ଷ ବଳରେ ରାଜସ୍ମିତା ଏହି ପ୍ରତିଯୋଗିତାରେ ୫ଜଣ ଫାଇନାଲିଷ୍ଟଙ୍କ ମଧ୍ୟରେ ସ୍ଥାନ ବଜାୟ ରଖିଥିଲେ । ଭିନ୍ନ ଭିନ୍ନ ଏପିସୋଡ୍ରେ ବହୁ କଷ୍ଟସାଧ୍ୟ ନୃତ୍ୟ ପରିବେଷଣ କରି ସେ ଅଭିନେତା ମିଥୁନ ଚକ୍ରବର୍ତୀଙ୍କ ଠାରୁ ବ୍ଲାକ ହର୍ସର ମାନ୍ୟତା ମଧ୍ୟ ପାଇଛନ୍ତି ।
ଓଡ଼ିଶା ଡ଼ଟ୍ କମ୍
