ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭବାନୀପାଟଣା, ଅପ୍ରେଲ ୨୯(ଓଡ଼ିଶା ଡ଼ଟ୍ କମ୍) ଭବାନୀପାଟଣା ସ୍ଥିତ ଏକ ଠିକା ସଂସ୍ଥା ଗେଷ୍ଟ ହାଉସ୍ରେ ରବିବାର ଅଗ୍ନିକାଣ୍ଡ ଯୋଗୁଁ ଜଣେ ପ୍ରୋଜେକ୍ଟ ମ୍ୟାନେଜରଙ୍କ ମୃତ୍ୟୁ ହୋଇଛି ।
ଲାଞ୍ଜିଗଡ଼ ବେଦାନ୍ତ କମ୍ପାନୀରେ ନିୟୋଜିତ ଏଚ୍ଡିଓର ପ୍ରୋଜେକ୍ଟ ମ୍ୟାନେଜର ପି.ଗଣେଶନ୍ ଅଗ୍ନିକାଣ୍ଡରେ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଏଥିରେ ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ପାଉଁଶ ହୋଇଯାଇଛି ।
ଫାଇବରରେ ତିଆରି ଉକ୍ତ ଘରେ ପାଂଚ ଜଣ ଶୋଇଥିବା ବେଳେ ହଠାତ୍ ନିଅାଁ ଲାଗିଯାଇଥିଲା । ଅଗ୍ନିକାଣ୍ଡ ସଂପର୍କରେ ଜାଣିପାରି ଚାରି ଜଣ ବାହାରକୁ ଚାଲି ଆସିଥିଲେ । କିନ୍ତୁ ଗଣେଶନ୍ ଘର ଭିତରୁ ଆସିପାରିନଥିଲେ ।
ମୃତ ଗଶେଶନ୍ ତାମିଲନାଡ଼ୁର ଜଣେ ସିଭିଲ ଇଂଜିନିୟର୍ । ତେବେ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ହୋଇଥିବା ସନ୍ଦେହ କରାଯାଉଛି ।
ଓଡ଼ିଶା ଡ଼ଟ୍ କମ୍
