ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମଇ ୨(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ବୁଧବାର ଆଇଏଏସ୍ ଅଫିସର ସ୍ତରରେ ଅଦଳବଦଳ କରିଥିବା ବେଳେ ପଞ୍ଚାୟତିରାଜ ବିଭାଗ ସ୍ୱତନ୍ତ୍ର ପ୍ରକଳ୍ପ ନିର୍ଦ୍ଦେଶକ ଅରବିନ୍ଦ ପାଢୀଙ୍କୁ କେନ୍ଦ୍ରାଞ୍ଚଳ ଆର୍ଡ଼ିସି ଭାବେ ଅବସ୍ଥାପିତ କରିଛନ୍ତି ।
ଏହାସହ ପାଢୀଙ୍କୁ ଅବକାରୀ କମିଶନର ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି । ଖଣି ଓ ଇସ୍ପାତ ସଚିବ ମନୋଜ ଆହୁଜାଙ୍କୁ ବାଣିଜ୍ୟକର କମିଶନର ଭାବେ ବଦଳି କରାଯାଇଥିବା ବେଳେ ତାଙ୍କ ସ୍ଥାନରେ ଡ଼ି.କେ.ସିଂହଙ୍କୁ ଅବସ୍ଥାପିତ କରାଯାଇଛି ।
ସେହିପରି ଶାଶ୍ୱତ ମିଶ୍ରଙ୍କୁ ଓଡ଼ିଶା ଖଣି ନିଗମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସହ କ୍ରୀଡ଼ା ବିଭାଗର ସଚିବ ଭାବେ ଏବଂ ପି.କେ.ଜେନା ଙ୍କୁ ସୂଚନା ଓ ଲୋକ ସଂପର୍କ ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି ।
ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ସଚିବ ମଧୂସୂନ ପାଢୀଙ୍କୁ ସୂଚନା ଓ ପ୍ରଯୁକ୍ତି ବିଭାଗର ସଚିବ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି ।
ଓଡ଼ିଶା ଡ଼ଟ୍ କମ୍
