ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମଇ ୬(ଓଡ଼ିଶା ଡ଼ଟ୍ କମ୍) ରାଜ୍ୟର ୧୫୧ଟି ଏବଂ ରାଜ୍ୟ ବାହାରେ ୩୧ଟି କେନ୍ଦ୍ରରେ ରବିବାର ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା ଅନୁଷ୍ଠିତ ହୋଇଛି ।
ଏଗୁଡ଼ିକ ମଧ୍ୟରୁ ଭୁବନେଶ୍ୱରରେ କେବଳ ୪୨ଟି ପରୀକ୍ଷା କେନ୍ଦ୍ର କରାଯାଇଛି । ଯୁଗ୍ମ ପ୍ରବେଶିକା ପରୀକ୍ଷା ଅଧିନରେ ଥିବା ଏମ୍.ଫାର୍ମା ବ୍ୟତୀତ ଅନ୍ୟ ସମସ୍ତ ପାଠ୍ୟକ୍ରମ ପାଇଁ ଏହି ପରୀକ୍ଷା ହେବ ।
ଚଳିତ ବର୍ଷ ୯୯ ହଜାର ୮୩୬ ଜଣ ଛାତ୍ରଛାତ୍ରୀ ଏହି ପରୀକ୍ଷା ଦେବା ପାଇଁ ଆବେଦନ କରିଥିବା ବେଳେ ସେମାନଙ୍କ ମଧ୍ୟରୁ ଇଂଜିନିୟରିଂରେ ୬୮ ହଜାର ଓ ମେଡ଼ିକାଲରେ ୩୧ ହଜାର ୫୦୦ ଜଣ ଅଛନ୍ତି ।
ତିନୋଟି ସିଫ୍ଟରେ ଏହି ପରୀକ୍ଷା ଅନୁଷ୍ଠିତ ହେବାକୁ ଥିବା ବେଳେ ପ୍ରଥମ ସିଫ୍ଟ ସକାଳ ୯ଟାରୁ ୧୧ଟା,ଦ୍ୱିତୀୟ ସିଫ୍ଟ ୧୨ଟାରୁ ୧ଟା ଏବଂ ତୃତୀୟ ସିଫ୍ଟ ୨ଟା ୩୦ରୁ ୪ଟା ୩୦ ପର୍ଯ୍ୟନ୍ତ ହେବ ।
ପରୀକ୍ଷାକୁ ଶୃଙ୍ଖଳିତ କରିବା ପାଇଁ ପ୍ରାୟ ଚାରି ଶହ ଜଣ ସ୍କ୍ୱାର୍ଡ଼ଙ୍କୁ ବିଭିନ୍ନ କେନ୍ଦ୍ରରେ ନିୟୋଜିତ କରାଯାଇଥିବା ଜେଇଇ କର୍ତୃପକ୍ଷ କହିଛନ୍ତି ।
ଓଡ଼ିଶା ଡ଼ଟ୍ କମ୍
